信邊個


個人分享
Tagged With: , , , , , , , , ,

「數據」

雖然美國總統大選都已經塵埃落定,但係好多人都係度討論點解選舉之前嘅民調同數據都話希拉里會勝出?其實老實講主流媒體所獲得嘅數據都係一面倒估計希拉里會勝出,但係問題唔係出於數據本身,而係佢哋嘅數據係如何收集嘅同時數據嘅範圍有幾大幾闊。或者今次係一個漂亮嘅演繹,因為再一次證明要運用數據首先係要從收集有質量嘅數據開始。只要搵到缺口,哪怕你只係得好少嘅數據,其實就已經足夠!

「問題」

再一次睇返美國總統大選嘅數據,其實除咗最後特朗普嘅數據分析團隊搵到缺口之外,今次嘅大選真係有少少似較早之前英國脫歐嘅翻版。而兩者都有個共通點,就係主流媒體嘅一廂情願地相信民調,以及大部分支持嘅人年齡同價值觀都係比較年長。如果分析民意,首先就係要有數據,不過好多時我哋只係著重網上嘅數據而忽略咗好多人其實好少上網,甚至乎唔會係網上發表意見。所以有時係好難掌握沉默嘅民意,咁我哋又點可以咁做一個全面嘅分析呢?

「分析」

所以有時唔好淨係相信主流媒體,要真正了解嘅話就要知道數據嘅來源。其實係美國大選同英國脫歐之前已經有好多數據都指出而家嘅結果係有好大嘅可能性。今次特朗普嘅團隊其實都運用咗英國脫歐嘅思維,以及察覺到好似風暴來臨前嘅跡象。雖然好多人以為之前奧巴馬連任係因爲利用數據,但係今次證明只係靠數據其實唔一定百分百會贏。嚟個亦都係我一直強調嘅問題,要成為一個好嘅數據分析師真係要好全面,但係亦都係一件好難嘅事。


Also published on Medium.

Comments are closed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Also published on Medium. Click to share on Facebook [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Also published on Medium. Click to share on Facebook [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Also published on Medium. Click to share on Facebook [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]