長青文


個人分享
Tagged With: , , , , , , , , ,

「文章」

一般去簡單分割網上嘅文章都會係突發,正常,長青嚟三大類別。而好多人當然係希望可以寫到一啲長青嘅文章,因為唔會過時之外,亦會對整個網站帶嚟穩定嘅流量。其實點解要寫文章,原因係一個網站如果要俾搜尋器搵到,而且覺得有價值,其實係要好靠內容去帶動。文章就自自然然變得好緊要,因為搜尋器係讀字嘅機器,如果唔夠字嘅話咁就好難俾搜尋器搵到。當大家覺得無用嘅時候,其實係大錯特錯,因為網站同文章先至係最佳拍擋,如果唔係真係鬼搵到你咩!

「流量」

其實真係就嚟講到口都臭,牙血都出晒,好多人都仲未明白嚟個道理!寫文章唔係只係為咗短暫嘅收視,當然依家有好多標題黨,利用標題去吸引大家嘅注意,但係寫文章其實係應該重質不重量。一篇好嘅文章係勝過幾百篇文章,因為好嘅文章有平穩嘅收視,有好嘅收視就當然會帶動人流。所以只要有好嘅文章就自自然然有人會係搜尋器到搵到,只要搵到就自然會有人瀏覽,因此唔係多就有用,而係內容究竟有無質量。

「長青」

老實講其實我有時都唔明點解無啦啦會有啲長青嘅文章係我嚟個網誌入面出現。當然諗都無諗過有人對我啲三個字嘅標題同三百字嘅文章有興趣。其實而家應該每日寫五百字左右,而有人睇就當然開心,因為我有更多嘅數據去分析。堅持咗超過兩年嘅實驗,雖然依家堅持唔到每日準時夜晚十點出文,但係至少都仲係用同一種格式去寫文,推文。不過原來除咗長青文章之外,我唯一一條短片竟然都變成長青片。所以有時真係內容勝於標題,質量永遠係最重要!


Also published on Medium.

Comments are closed.

 
  • 儀錶板儀錶板嘅作用係將有用嘅數據呈現出嚟。有好多公司會用嚟監測日常業務,而要有效利用儀錶板首先就要定義佢嘅目的。就好似天文數據一樣,大家都想知道當日最高與最低嘅溫度。嚟個係一個實例,不過要有效咁決定呈現乜嘢數據,最緊要知道數據背後嘅意義同目的。如果儀錶板上面呈現一啲對工作毫無價值嘅數字,咁儀錶板就失去佢嘅意義。 Also published on Medium. Click to share on Facebook [...]
  • 被監控數據係一面雙刃刀,如果用得其所係可以改變世界,但係亦都可以好恐怖。科技嘅發展將大部份嘅設施電子化同網絡化,因此從中可以取得大量嘅數據。如果再加上人工識別功能嘅話,基本上無時無刻你都會被監控。當然咁樣係會觸發私問題,只不過即使你住係一個荒島,其實某程度上都有機會俾人搵到。如果唔想俾人搵到嘅話,分分鐘真係要搵個地下深淵先至得。 Also published on Medium. Click to share on Facebook [...]
  • 新聞業相信傳統新聞業俾人一個感覺就係一個好快俾人淘汰嘅行業,由其依家嚟個世代新聞嘅價值係啲乜,值幾多錢?而家個個都可以拎住部手機上網睇新聞,傳統報紙嘅價值變得越嚟越唔值錢。咁係唔係代表新聞無價值?當然並非如此,只不過要轉型,用一個唔同嘅方法再去令到新聞有返佢應有嘅價值。與此同時要改變大眾嘅消費新聞嘅模式,因為新聞係有價值而唔係免費! Also published on Medium. Click to share on Facebook [...]
  • 十年了不經不覺已經離開咗大公司十年。究竟自己用咗十年做咗啲乜?如果問心當然理想與現實不相符。有無浪費咗十年?其實又真係好難去量度。十年入面有無成長?或多或少都有啲,當然相比之下的確問慢咗好多!其實過去十年每年都總係有啲嘢發生,忙忙碌碌咁又過一年。自己俾自己嘅期限亦都所剩無幾,雖然人生好難計算,只係又到咗人生交叉點嘅時候。 Also published on Medium. Click to share on Facebook [...]