請外傭


個人分享
Tagged With: , , , , , , , , ,

「香港」

其實好多香港人屋企都會有請外傭,尤其係當有咗小朋友嘅家庭,因為好多時兩公婆都要返工,所以需要有個人去照顧小朋友嘅係佢飲食。當然請得外傭就係希望可以放心咁工作,但係過去實在聽到好多負面嘅事件,有啲甚至乎上晒報紙。當然身邊亦都有好多朋友分享佢哋嘅經歷,所以請外傭真係好似買六合彩咁,好就可以好好,差嘅就可以好差。有時真係俾錢買難受!

「虐兒」

今日係網上面睇到一條疑似外傭虐待一個初生嬰兒嘅片段,係片入面見到個嬰兒喺度喊而個外傭竟然大巴大巴咁打個嬰兒,一共打咗超過四十下。其實之前都有好多報導牽涉外傭打小朋友嘅事件,老實講嚟個都係我擔心請外傭嘅一個原因。你真係唔知佢幾時會拎自己嘅仔女嚟發洩,就算有閉路電視睇住又點?你睇到都已經打咗啦,最多你咪只可以炒咗佢!所以請外傭真係睇彩數,因為有啲朋友嘅外傭都真係好好嘅。

「變態」

無論今日網上瘋傳嘅虐兒片段真係係假都好,如果你睇到都會好嬲!莫講話係一個初生嬰兒,就算係小朋友,咁樣俾人一巴巴咁打真係唔知會發生啲乜嘢事,分分鐘真係會搞出人命!小朋友喊係好正常嘅事,有時打小朋友都係逼不得已,但係當佢好似仇人咁打就真係變態。真係唔明啲人點解可以咁樣對待小朋友!就算係大人如果俾人打咁多巴嘅話,我相信佢都會幾傷,更何況係一個小朋友?


Also published on Medium.

Comments are closed.

 
  • 儀錶板儀錶板嘅作用係將有用嘅數據呈現出嚟。有好多公司會用嚟監測日常業務,而要有效利用儀錶板首先就要定義佢嘅目的。就好似天文數據一樣,大家都想知道當日最高與最低嘅溫度。嚟個係一個實例,不過要有效咁決定呈現乜嘢數據,最緊要知道數據背後嘅意義同目的。如果儀錶板上面呈現一啲對工作毫無價值嘅數字,咁儀錶板就失去佢嘅意義。 Also published on Medium. Click to share on Facebook [...]
  • 被監控數據係一面雙刃刀,如果用得其所係可以改變世界,但係亦都可以好恐怖。科技嘅發展將大部份嘅設施電子化同網絡化,因此從中可以取得大量嘅數據。如果再加上人工識別功能嘅話,基本上無時無刻你都會被監控。當然咁樣係會觸發私問題,只不過即使你住係一個荒島,其實某程度上都有機會俾人搵到。如果唔想俾人搵到嘅話,分分鐘真係要搵個地下深淵先至得。 Also published on Medium. Click to share on Facebook [...]
  • 新聞業相信傳統新聞業俾人一個感覺就係一個好快俾人淘汰嘅行業,由其依家嚟個世代新聞嘅價值係啲乜,值幾多錢?而家個個都可以拎住部手機上網睇新聞,傳統報紙嘅價值變得越嚟越唔值錢。咁係唔係代表新聞無價值?當然並非如此,只不過要轉型,用一個唔同嘅方法再去令到新聞有返佢應有嘅價值。與此同時要改變大眾嘅消費新聞嘅模式,因為新聞係有價值而唔係免費! Also published on Medium. Click to share on Facebook [...]
  • 十年了不經不覺已經離開咗大公司十年。究竟自己用咗十年做咗啲乜?如果問心當然理想與現實不相符。有無浪費咗十年?其實又真係好難去量度。十年入面有無成長?或多或少都有啲,當然相比之下的確問慢咗好多!其實過去十年每年都總係有啲嘢發生,忙忙碌碌咁又過一年。自己俾自己嘅期限亦都所剩無幾,雖然人生好難計算,只係又到咗人生交叉點嘅時候。 Also published on Medium. Click to share on Facebook [...]