超月亮


個人分享
Tagged With: , , , , , , , , ,

「月球」

由於月球係一個橢圓形嘅軌道上繞着地球公轉,所以月球同地球之間嘅距離都會係大約在三十五萬七千公里同四十萬六千公里之間不斷改變。因為月相嘅變化唔係一兩日就會完成,而係要一個月嘅時間逐漸咁改變,所以嚟種漸進嘅變化係唔容易察覺。而超級月亮係唔會引發海洋,地殼同潮汐嘅變化,不過咁啱得咁橋新西蘭發生咗地震。其實到現時為止仲未有任何科學根據指超級月亮會導致自然災害,就算係都係迷信同巧合。

「超級」

相信好多人今晚都會抬頭向天空望吓會唔會見到今次嘅超級月亮。而今晚香港嘅天氣真係唔錯,所以應該會睇得好清楚。今次嘅超級月亮比起之前嘅更大係因為今次月球同地球嘅距離係比之前嘅近,所以就會出現今次嘅超級月亮。今次係過去六十多年嚟最接近地球,根據香港天文台數據,咁次嘅超級月亮最接近地球嘅時間是七點二十一分。不過我覺得除咗超級月亮之外,今日個恆生指數都好經典,因為收市嘅時候報二萬二千二百二十二點二二點!真係唔知係唔係咁啱得咁橋啦!

「攝影」

基本上,月亮係邊度睇到係一樣大,但係當佢接近地平線嘅時候睇到嘅滿月會同建築物,樹木或者高山形成對比。所以就會俾人覺得月亮變大嘅錯覺。只要將嚟個原理運用係拍攝上,就能夠讓畫面更加豐富。通常係偏暗嘅環境下係要用長曝嘅拍攝技巧,但係要影超級月亮就完全唔同。當你睇到滿月嘅時候,月球係白天,所以要用白天嘅拍攝邏輯去調整曝光。如果唔係長曝光就會令月亮過曝,月球表面嘅細節都會變成一片白色。

Comments are closed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Click to share on Facebook (Opens in new window)Click [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Click to share on Facebook (Opens in new window)Click [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Click to share on Facebook (Opens in new window)Click [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Click to share on Facebook (Opens in new window)Click [...]