國殤日

「香港」

香港嘅和平紀念日原先都係每年嘅十一月十一日,而亦係為咗紀念第一次世界大戰結束重歸和平。不過自一九四五年之後就改為十一月嘅第二個星期日。回歸前香港總督同政府官員都會係中環和平紀念碑紀念第一次世界大戰同悼念陣亡戰士。回歸之後,香港就以佛誕假期取代香港重光紀念日,紀念活動合併一起在和平紀念日舉行。紀念儀式沿用英聯邦儀式,包括奏起《最後崗位》,並默哀兩分鐘。

「和平」

今日好多人最關心嘅就當然係雙十一啦!個個都希望今日可以執到啲平嘢,但係除咗大家熟悉嘅雙十一或者光棍節之外,其實今日亦都係國殤紀念日。當然我相信好多人都或者對嚟個節日無乜認識,所以當大家只係記得買嘢嘅時候,亦都應該唔好忘記我哋好幸福咁生活係一個和平嘅世界。幸福唔係必然,世界上仲有好多地方仲有不必要嘅戰爭。希望嚟個世界繼續和平,唔好再出現大規模嘅戰爭。

「佩戴」

國殤紀念日一般會佩戴一種紅色嘅虞美人花,佩戴嘅原因係一個加拿大軍醫嘅一首詩《在法蘭德斯戰場》而嚟,虞美人花被選擇係因為第一次世界大戰最慘烈嘅戰場法蘭德斯盛開著虞美人花,而且虞美人花嘅紅色正代表咗壕溝中嘅鮮血。後來有人佩戴白色嘅罌粟花,佢哋認為咁代表和平。而家用於紀念活動嘅虞美人佩花大多數係塑料製品。各個國家嘅樣都有少少唔同,例如英國係有綠葉陪襯。


Also published on Medium.

Comments are closed.

 
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]
  • 放閃日其實放閃係一個網絡嘅用語,主要係用嚟形容啲人係網上面炫耀自己。當中用得最多嘅係情侶之間互相公開自己嘅幸福同快樂,尤其係一啲單身人士搵到伴侶之後不斷發放相片炫耀自己嘅幸福。好多人會用閃光彈嚟形容,而回覆嘅通常係帶上黑超嘅表情符號,因為閃光彈好刺眼,所以要帶返副黑超擋一下啲耀眼嘅光芒!所以每逢情人節好多人都會通過唔同嘅渠道放閃! Also published on Medium. Click to share on Facebook [...]
  • 數據先好多公司都會有唔同嘅數據,但係到最後仍然解答唔到一啲商業上嘅問題。原因其實唔係出於數據,而係無人去設計點樣收集數據。就算有數據都唔知啲數係啲乜嘢情況下收集返嚟。最終導致啲數據無法解釋日常業務嘅問題!可多公司都低估咗收集同分析數據所需要嘅人力以及資源,通常都係到咗分析嗰一刻先至發現問題。所以點樣收集數據係緊要過點樣分析數據! Also published on Medium. Click to share on Facebook [...]
  • 被截停當然警察如果遇到或者發現可疑嘅車輛係有權利去截停佢,但係只不過如果因為要截停可疑嘅車輛所導致嘅傷亡係唔係有必要呢?其實係好幾年前香港警察曾經截停路面嘅私家車做路障,希望截停可疑車輛而導致安份守己嘅市民有性命財產嘅損失。而近日亦有類似「人肉路障」嘅事件發生,今次就導致兩死五人受傷。老實講點解要市民用自己嘅性命同財產去幫你截停可疑車輛先? Also published on Medium. Click to share on Facebook [...]