好網站


個人分享
Tagged With: , , , , , , , , ,

「變化」

諗返二十幾年前自己開始學寫網站嘅時候,當然就無諗過依家嘅網站可以寫到出神入化。以前細個邊度識咁多嘢呀,點樣登記域名,點樣起個伺服器,等等嘅嘢都係邊玩邊學。就算網站本身都要用人手逐行逐行咁寫出嚟,邊似得依家咁方便同咁講究。當然依家嘅網站用途有好多,但係如果要稱得上一個好網站,老實講真係買少見少。不過如果仲有人覺得一個網站對一間公司無用嘅話,咁就真係認真大鑊,因為如果連一個網站都無,要人搵到你都真係會有難度。

「忽略」

其實依家好多香港嘅公司仍然忽略咗一個網站嘅重要性。好多人真係隨隨便便只要有個域名同少少關於公司嘅資料咁就當搞掂件事。當然亦有啲人話而家便需要網站,用社交平台咪得囉。不過當佢哋上搜尋器搵一搵自己公司嘅服務同產品而又搵唔到嘅時候,佢哋就會問點解搵唔到。其實講到尾就係因為無一個好嘅網站,而網站嘅內容唔夠豐富,所以其實依家要還原基本步,要由網站本身開始,重新設計過。當然要有一個好嘅網站係唔會平,而且需要有長遠嘅策略同人去維護同管理。

「重點」

過去咁多年都有好多人問我同一個問題,就係點樣可以令自己個網站係搜尋器到出現,而且可以排係頭幾位。其實個答案好簡單就係由自己網站開始。無一個好嘅網站根本上就無可能令搜尋器搵到,就算搵到,只不過入面無乜內容,所以如同虛設。一間公司如果要有一個好嘅數碼營銷嘅策略,首先就應該係由網站本身開始,如果唔係就算間公司想做任何嘅嘢都只會可能去做。慶幸最近仲見到一啲好嘅網站,寫得講淨之餘,最重要嘅就係整潔。事關大部份嘅網站好多時都係打晒大風,要改入面嘅嘢都會好考功夫。


Also published on Medium.

Comments are closed.