大奇蹟

「美國」

經過咗咁多個月,今日美國總統大選終於揭盅!今日基本上所有嘅媒體都實時報導美國總統選舉嘅情況。好多人都會問點解香港人咁關心美國嘅總統大選,其實都唔難理解。事關香港嘅經濟除咗因為受到中國嘅影響之外,環球經濟對香港嘅影響亦都好大。雖然之前睇過好多數據嘅分析都指出特朗普勝出嘅機會都比較大,但係真係接受唔到一個咁瘋狂嘅人成為美國總統。不過學好多人話齋,結果如何最起碼四年之後佢哋有權再選過,只不過要等四年啫!

「總統」

今年嘅美國總統大選嘅戰況真係好緊湊,而早前真係有好多分析都指特朗普勝出嘅機會係比較大,不過真係無諗過希拉里會輸咁多。真係好耐無試過咁想數據係錯,但係真的假不了。美國人真係傻咗,竟然選咗個瘋狂嘅人出嚟做總統。究竟之後個世界會變成點?而最大嘅問題就係參議院同眾議院都落係共和黨手中,簡稱以後嘅法案都應該會暢通無阻,除非籠裏雞作反啦。依家就連美國人都諗要移民,嚟個世界真係正式進入咗一個狂人年代。

「投票」

點解咁多人會投票俾特朗普,相信全世界嘅人都唔會明。只不過而家已經變成事實,路亦都係美國人自己揀嘅,所以之後四年會係點真係無人知。相信嚟緊個四年都會有好多唔同嘅新聞圍繞著嚟個狂人,亦希望四年之後佢唔會連任。其實今次唔單止係美國本土嘅問題,因為美國作為全球大國之一,而美國係國際議題都有一定嘅影響力,所以由一個狂人出任總統唔單止影響美國,而係全世界。所以佢會帶嚟幾大嘅影響真係無人會知!


Also published on Medium.

Comments are closed.

 
  • 儀錶板儀錶板嘅作用係將有用嘅數據呈現出嚟。有好多公司會用嚟監測日常業務,而要有效利用儀錶板首先就要定義佢嘅目的。就好似天文數據一樣,大家都想知道當日最高與最低嘅溫度。嚟個係一個實例,不過要有效咁決定呈現乜嘢數據,最緊要知道數據背後嘅意義同目的。如果儀錶板上面呈現一啲對工作毫無價值嘅數字,咁儀錶板就失去佢嘅意義。 Also published on Medium. Click to share on Facebook [...]
  • 被監控數據係一面雙刃刀,如果用得其所係可以改變世界,但係亦都可以好恐怖。科技嘅發展將大部份嘅設施電子化同網絡化,因此從中可以取得大量嘅數據。如果再加上人工識別功能嘅話,基本上無時無刻你都會被監控。當然咁樣係會觸發私問題,只不過即使你住係一個荒島,其實某程度上都有機會俾人搵到。如果唔想俾人搵到嘅話,分分鐘真係要搵個地下深淵先至得。 Also published on Medium. Click to share on Facebook [...]
  • 新聞業相信傳統新聞業俾人一個感覺就係一個好快俾人淘汰嘅行業,由其依家嚟個世代新聞嘅價值係啲乜,值幾多錢?而家個個都可以拎住部手機上網睇新聞,傳統報紙嘅價值變得越嚟越唔值錢。咁係唔係代表新聞無價值?當然並非如此,只不過要轉型,用一個唔同嘅方法再去令到新聞有返佢應有嘅價值。與此同時要改變大眾嘅消費新聞嘅模式,因為新聞係有價值而唔係免費! Also published on Medium. Click to share on Facebook [...]
  • 十年了不經不覺已經離開咗大公司十年。究竟自己用咗十年做咗啲乜?如果問心當然理想與現實不相符。有無浪費咗十年?其實又真係好難去量度。十年入面有無成長?或多或少都有啲,當然相比之下的確問慢咗好多!其實過去十年每年都總係有啲嘢發生,忙忙碌碌咁又過一年。自己俾自己嘅期限亦都所剩無幾,雖然人生好難計算,只係又到咗人生交叉點嘅時候。 Also published on Medium. Click to share on Facebook [...]