曬陳皮


個人分享
Tagged With: , , , , , , , , ,

「陳皮」

陳皮即係柑皮,係用熟咗嘅柑曬乾或者人工烘乾而成。而點解要叫做陳皮?因為陳皮就好似紅酒咁,要擺係度越來先至越好,所以就叫做陳皮。陳皮亦都係一種好重要嘅中藥,可以用嚟煮食或者用嚟做零食。陳皮含有橙皮甙,類檸檬苦素,揮髮油,維生素等成分。而陳皮具有燥濕化痰,理氣和中嘅功效。陳皮亦係「廣東三寶」之一,而最出名嘅陳皮係出產自廣東新會嘅大紅柑。

「青皮」

嘩,我相信好多人都唔知原來曬陳皮係唔應該用未熟嘅柑皮去曬。當然自己未到曬陳皮嘅年紀,但係就一定知道陳皮係寶!每當到柑嘅季節就會有好多人會買一箱二箱嘅柑,因為佢哋都係想拎啲柑皮嚟到曬陳皮。不過原來青皮嘅陳皮係用未熟嘅柑去曬成,青皮同陳皮嘅唔同之處係會破氣疏肝,力猛,久服易傷。而陳皮先至係有行氣健脾,平和,不易傷身嘅效用。當然就算你儲存幾多年青皮都好其實係唔會變返做陳皮嘅!

「價值」

記得幾年前有電視節目講過有啲人會投資陳皮,因為陳皮就好比黃金,越儲存得耐就越值錢。正所謂一両陳皮一両金,百年陳皮勝黃金。當然如果你有超過五十年嘅陳皮,相信都係由阿嬤阿爺嘅年代流傳落嚟。當然如果大家去投資陳皮嘅時候就千祈唔好買未熟嘅柑,因為網上面竟然有人教人投資青皮,而青皮同陳皮嘅功效唔同,所以真係小心因小失大。好多時都係果欄見到啲人都係用未熟嘅柑,原來係錯誤嘅。又長知識了!


Also published on Medium.

Comments are closed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Also published on Medium. Click to share on Facebook [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Also published on Medium. Click to share on Facebook [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Also published on Medium. Click to share on Facebook [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]