新辣招


個人分享
Tagged With: , , , , , , , , ,

「樓市」

依家香港個樓市真係越升越有,雖然政府三番四次出手去希望為樓市降溫,但係其實每次都只係一個好短暫嘅效果。所以今次又再一次出招,到底真係幫到我哋嚟班想上車嘅市民?講真如果比著我係業主,我都唔會將層樓放出去,因為真係賣咗買唔返。所以根本只會縮小二手物業市場嘅流動性,而且如果我係業主嘅話,當然就會將個價錢提高,如果唔係當要買多層樓嘅時候就彌補唔到個印花稅。講到尾其實辣招係對我哋啲想上車嘅香港人嘅辣招!

「辣招」

由今日開始,政府嘅新樓市辣招就正式生效。所有人如果買第二套物業嘅時候不論銀碼,全部劃一徵收百分之十五嘅樓宇買賣印花稅。但係其實如果因為壓抑炒風嘅話,而又希望幫首次置業嘅市民嘅話,嚟啲辣招真係可以話無乜幫助。好多時啲人想買樓,但係就連樓都無得睇,因為好多業主都寧願將層樓租出去。而好多時所謂嘅辣椒亦只會令到租金上升,基本上幫唔到啲想上車嘅市民。雖然短時間係睇到樓市好似跌咗,但係就因為咁,貨源短缺,到最後只會不跌反升。

「醒覺」

如果政府真係想希望幫到香港人上車嘅話,第一就當然係先要將樓價大幅降溫。第二就係好多人基本上係唔夠首期,所以如果有當年嘅首置同放寬按揭成數係會有一定嘅幫助。第三就係起多啲資助房屋,所謂嗰啲乜嘢港人港地其實真係廢話,因為到最後根本上有係貴到飛起。過去幾次嘅辣招基本上完全係將樓市再推高而唔係降溫,雖然短暫效果好似達到咗,但係個衡量標準係唔係應該用首次置業嘅市民成功上車多過樓價本身嚟?我哋真係多得嚟個政府唔少!


Also published on Medium.

Comments are closed.

 
  • 儀錶板儀錶板嘅作用係將有用嘅數據呈現出嚟。有好多公司會用嚟監測日常業務,而要有效利用儀錶板首先就要定義佢嘅目的。就好似天文數據一樣,大家都想知道當日最高與最低嘅溫度。嚟個係一個實例,不過要有效咁決定呈現乜嘢數據,最緊要知道數據背後嘅意義同目的。如果儀錶板上面呈現一啲對工作毫無價值嘅數字,咁儀錶板就失去佢嘅意義。 Also published on Medium. Click to share on Facebook [...]
  • 被監控數據係一面雙刃刀,如果用得其所係可以改變世界,但係亦都可以好恐怖。科技嘅發展將大部份嘅設施電子化同網絡化,因此從中可以取得大量嘅數據。如果再加上人工識別功能嘅話,基本上無時無刻你都會被監控。當然咁樣係會觸發私問題,只不過即使你住係一個荒島,其實某程度上都有機會俾人搵到。如果唔想俾人搵到嘅話,分分鐘真係要搵個地下深淵先至得。 Also published on Medium. Click to share on Facebook [...]
  • 新聞業相信傳統新聞業俾人一個感覺就係一個好快俾人淘汰嘅行業,由其依家嚟個世代新聞嘅價值係啲乜,值幾多錢?而家個個都可以拎住部手機上網睇新聞,傳統報紙嘅價值變得越嚟越唔值錢。咁係唔係代表新聞無價值?當然並非如此,只不過要轉型,用一個唔同嘅方法再去令到新聞有返佢應有嘅價值。與此同時要改變大眾嘅消費新聞嘅模式,因為新聞係有價值而唔係免費! Also published on Medium. Click to share on Facebook [...]
  • 十年了不經不覺已經離開咗大公司十年。究竟自己用咗十年做咗啲乜?如果問心當然理想與現實不相符。有無浪費咗十年?其實又真係好難去量度。十年入面有無成長?或多或少都有啲,當然相比之下的確問慢咗好多!其實過去十年每年都總係有啲嘢發生,忙忙碌碌咁又過一年。自己俾自己嘅期限亦都所剩無幾,雖然人生好難計算,只係又到咗人生交叉點嘅時候。 Also published on Medium. Click to share on Facebook [...]