邊樣先

「創業」

第一次創業其實唔係非常成功,當然最重要嘅問題係無社會經驗,好多嘢都唔識所以就算係賺到錢都無用,因為好難做得大。依家啲年輕人就相對比較幸福,事關有好多資源可以利用,有好多有經驗嘅創業者分享佢哋嘅經驗。最緊要嘅係有好多資金,雖然我唔太認同依家啲年輕人參加比賽,或者去申請創業基金,只不過我哋以前邊度有啲咁嘅嘢。而事隔十年再次創業,當然又好唔同啦!

「先後」

其實好多人都會有同樣嘅問題就係做嘢先定係創業先!其實你問我嚟個過來人嘅話,我真係會同你講各有各好!其實我都會認同早啲創業係好啲,因為負擔少,想做就去做,反正無損失,有嘅係時間同精力。人大咗就有好多負擔,唔敢下下搏到咁盡,但係就會多咗好多社會同工作經驗。兩者其實都有各自嘅好處同壞處,所以其實都係要睇自己覺得適唔適合,創業反正係無分年齡,就算七老八十其實都可以創業。

「經驗」

我自己嘅經驗係睇天時地利人和,當年創業係因為入唔到心儀嘅大學科目,而因為自己對設計同識寫網站所以就開始網頁設計同製作。依家睇返當時嘅嘢都覺得有啲小學雞。當然自己覺得最大嘅問題係唔知點樣去營運,全部都係誤打誤撞。但係第二次創業就做好準備工夫,因為已經係大公司學識一套管理同營運模式。創業最緊要係要搵到自己想做嘅嘢,如果係一個藍海市場就當然係最好不過啦!


Also published on Medium.

Comments are closed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Also published on Medium. Click to share on Facebook [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Also published on Medium. Click to share on Facebook [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Also published on Medium. Click to share on Facebook [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]