氣候變


個人分享
Tagged With: , , , , , , , , ,

「地球」

嚟兩日睇到關於能源同地球暖化嘅影片,其實過去咁多年大家都不斷聽到地球暖化,人類不斷消耗地球嘅資源,不斷破壞自然生態,等等嘅訊息。而當然好多人都不以為意究竟我哋生活緊嘅地球係過去咁多年有啲乜嘢嘅轉變,而更加有好多人質疑甚至否定地球暖化嚟個理論。不論佢哋嘅出發點係啲乜嘢,我哋亦都唔可以否定近年嘅極端天氣,以及人類對大自然嘅傷害。

「傷害」

唔知大家有無睇過最近係網上面一個「國家地理頻道」嘅節目『洪水來臨前』。如果無嘅話我建議大家去用少少時間去睇下我哋嘅地球發生緊啲乜嘢事。今次嘅紀錄片係由里安納度狄卡比奧製作,佢亦走遍世界各地,揭開氣候暖化對地球帶來嘅傷害,發人深省。雖然好多人覺得唔關自己嘅事,當然一個人嘅力量係好渺小,但係當大家享受生活同科技嘅同時其實係唔係都至少去了解下呢?

「節目」

如果大家可以用少少時間去睇下個節目,我相信你都會改變你對地球暖化嘅睇法。由今日起至十一月六日,你可以係網上免費觀賞『洪水來臨前』嚟個節目。里安納度狄卡比奧會帶大家去到格陵蘭嘅荒野,蘇門答臘炙熱嘅森林,再前往梵蒂岡教廷拜訪,一路上探索氣候變遷對地球帶來嘅重大衝擊。佢利用前所未有嘅機會,與社運人士、科學家,同各國元首會談,包括美國總統歐巴馬、創業家伊隆馬斯克,以及教宗方濟各。「我們能夠在為時未晚之前,採取行動阻止災難發生嗎?」


Also published on Medium.

Comments are closed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Also published on Medium. Click to share on Facebook [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Also published on Medium. Click to share on Facebook [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Also published on Medium. Click to share on Facebook [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]