親信門


個人分享
Tagged With: , , , , , , , , ,

「韓國」

當大家只係關心香港嘅政治嘅時候,韓國過去幾日竟然發生一啲比香港更加離譜嘅事。好多香港人都會去過韓國,而近年亦有好多好好睇嘅電視劇,不過光輝嘅背後都有叫黑暗嘅一面。好多人當得到某些權力嘅時候,第一件事就係希望自己嘅團隊都係自己人,因為佢哋覺得比較放心。但係就因為希望自己唔會有太多反對嘅聲音,導致好多人都會覺得當權者縱容親信。當然朝中有人好辦事,但係係唔係咁就一定好?其實真係好似某啲電影橋段,不過你有無諗過現實亦都會出現咁嘅情況?

「政治」

唔知大家有無留意近排關於韓國嘅新聞,因為傳統媒體報導得比較少。事源係由韓國總統朴槿惠容許佢嘅閨蜜崔順實接觸政務嘅醜聞,但係近日醜聞越揭越多,而更有消息傳出指出崔順實之女鄭宥砬「走後門」入讀韓國頂尖的梨花女子大學。傳媒稱今次事件為「親信門」事件,而亦因為今次嘅事件觸發成千上萬嘅民眾上街抗議。如果事件繼續落去嘅話,我相信韓國人唔會好似香港人咁和平抗爭。不過朴槿惠真係好有可能因為今次嘅事件而導致落台!

「信任」

今次嘅「親信門」事件真係震驚好多人,試諗下堂堂一個韓國總統,點解佢要搵一個平民去干預政事?雖然今次嘅事件越揭越多,如果唔知大家以為韓國變咗好似中國咁。雖然朴槿惠已經同市民道歉,不過大家有無啲似曾相識?依家個世界真係好亂,好多國家或者地方都有唔同嘅政治問題。香港就唔使多講啦,因為而家嘅狀況同韓國一樣,市民都係唔相信當權者。只不過最起碼韓國係一個民主嘅國家,人民嘅力量真係唔可以睇小。雖然而家仲未知道仲有幾多事件未揭發,不過朴槿惠下台嘅聲音就越嚟越大!


Also published on Medium.

Comments are closed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Also published on Medium. Click to share on Facebook [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Also published on Medium. Click to share on Facebook [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Also published on Medium. Click to share on Facebook [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]