新電腦


個人分享
Tagged With: , , , , , , , , ,

「等待」

話說自己部電腦用咗幾年個屏幕試第一次斷咗個骹位要成個換咗佢,之後整返無耐又自己自殺式跌咗落地,搞到得返八成嘅屏幕可以正常顯示。當然有諗過整唔整好,因為真係好貴,而知道蘋果好快就會有新嘅手提電腦推出。不過等了又等,等到天荒地老之後,終於今日推出咗新嘅款式。當然功能上勁咗,而且又多咗一啲新嘢,最緊要就當然係部電腦輕咗,事關日日孭著依家部機出出入入真係幾辛苦。

「功能」

今次新嘅蘋果手提電腦最特別嘅就係用咗一個新嘅設計去取代傳統嘅功能鍵,當然好多人會笑咗但係對我嚟講真係一個好好嘅功能。不過最大嘅問題就係啲新嘅插頭。雖然係一個新嘅標準但係真係幾頭痛,所有充電線都要買過,你都咪話唔大鑊。不過論性能,論重量,真係已經係無得頂。真係有啲衝動即刻買一部,但係最擔心嘅亦都係新個功能鍵因為死咗都幾大鑊,而且我仲未習慣個新嘅鍵盤設計。所以都係睇定啲先!

「蘋果」

其實依家好多人都已經轉用手提電腦,而慢慢桌上電腦已經越來越少。而每個設計師一定會用蘋果嘅產品,因為要用同樣嘅規格同咁嘅價錢基本上其他個人電腦係無辦法做到同樣嘅速度同效能。而點解咁好鍾意新嗰個功能鍵設計係因為真係方便咗好多。有好多人會覺得用咗咁多年去研發一件咁嘅嘢,但係對好多職業嚟講其實真係方便咗同快捷咗好多。就算好多人好覺得唔係啲乜嘢但係對好多設計師嚟講真係好有用。不過如果再加埋支援指筆就仲好嘞!


Also published on Medium.

Comments are closed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Also published on Medium. Click to share on Facebook [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Also published on Medium. Click to share on Facebook [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Also published on Medium. Click to share on Facebook [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]