十五個


個人分享
Tagged With: , , , , , , , , ,

「學嘢」

依家嘅小朋友真係學嘢學得好快,有時我同老婆都唔知郭大少係邊度學識某啲嘢。我一直都察覺到佢係一個觀察型嘅小朋友,而佢每次做啲出乎意表嘅嘢我哋都好驚奇,因為我哋無教過佢但係佢有識得做個樣嘢。嚟個小朋友好鍾意讀書同音樂,而家有幾首歌一聽到就會做唔同嘅動作,去到琴行對鋼琴好有興趣。不過佢真係好睇人,因為佢真係揀人嚟恰,我湊佢好地地,但係老婆湊佢就攪到一頭煙!

「記錄」

又到咗每個月嘅今日,又係時候做一做郭大少嘅成長記錄。依家每朝自己都會好乖咁話肚餓要食奶,真係好耐無試過抱住佢食奶,因為依家已經自己識得揸住奶樽自己食,食完就會俾個奶樽我。食完奶就自己去搵嘢玩,睇下書,然後瞓返個靚覺!有時都懷念要抱住佢餵奶嘅日子,不過每日見到佢開開心心成長真係已經足夠。小朋友真係大得好快,依家已經識行識走,真係要好好珍惜嚟段時間!

「搞笑」

要寫晒郭大少嘅一點一滴真係寫完,因為佢真係有好多搞笑嘢!佢好鍾意食提子乾,而佢想要嘅時候就會講「低脂」但係其實係「提子」。而家識行識走真係要打醒十二分精神,因為佢真係會揈甩我哋隻手走咗去。去到公園就好鍾意瀡滑梯,好鍾意肥皂泡,好鍾意踢波,跑到身水身汗。雖然佢真係好多體力,但係佢真係到時到候要瞓覺,如果唔係就會發晒脾氣。不過都係一件好事,因為早睡早起,唔似我哋咁做隻夜鬼!


Also published on Medium.

Comments are closed.

 
  • 儀錶板儀錶板嘅作用係將有用嘅數據呈現出嚟。有好多公司會用嚟監測日常業務,而要有效利用儀錶板首先就要定義佢嘅目的。就好似天文數據一樣,大家都想知道當日最高與最低嘅溫度。嚟個係一個實例,不過要有效咁決定呈現乜嘢數據,最緊要知道數據背後嘅意義同目的。如果儀錶板上面呈現一啲對工作毫無價值嘅數字,咁儀錶板就失去佢嘅意義。 Also published on Medium. Click to share on Facebook [...]
  • 被監控數據係一面雙刃刀,如果用得其所係可以改變世界,但係亦都可以好恐怖。科技嘅發展將大部份嘅設施電子化同網絡化,因此從中可以取得大量嘅數據。如果再加上人工識別功能嘅話,基本上無時無刻你都會被監控。當然咁樣係會觸發私問題,只不過即使你住係一個荒島,其實某程度上都有機會俾人搵到。如果唔想俾人搵到嘅話,分分鐘真係要搵個地下深淵先至得。 Also published on Medium. Click to share on Facebook [...]
  • 新聞業相信傳統新聞業俾人一個感覺就係一個好快俾人淘汰嘅行業,由其依家嚟個世代新聞嘅價值係啲乜,值幾多錢?而家個個都可以拎住部手機上網睇新聞,傳統報紙嘅價值變得越嚟越唔值錢。咁係唔係代表新聞無價值?當然並非如此,只不過要轉型,用一個唔同嘅方法再去令到新聞有返佢應有嘅價值。與此同時要改變大眾嘅消費新聞嘅模式,因為新聞係有價值而唔係免費! Also published on Medium. Click to share on Facebook [...]
  • 十年了不經不覺已經離開咗大公司十年。究竟自己用咗十年做咗啲乜?如果問心當然理想與現實不相符。有無浪費咗十年?其實又真係好難去量度。十年入面有無成長?或多或少都有啲,當然相比之下的確問慢咗好多!其實過去十年每年都總係有啲嘢發生,忙忙碌碌咁又過一年。自己俾自己嘅期限亦都所剩無幾,雖然人生好難計算,只係又到咗人生交叉點嘅時候。 Also published on Medium. Click to share on Facebook [...]