成大業

「發展」

一間公司或者團隊要成功嘅話其實係要靠所有人嘅努力,當然要成功除咗人之外,就係要不斷有空間去發展。每個機構都係一個金字塔,所以如果個金字塔唔夠高,唔夠大嘅話,其實真係好難有空間俾團隊發展。而係十幾年前啱啱開始帶領團隊嘅時候就已經明白嚟一點,但係唔知係唔係環境唔同咗,自己竟然慢慢忘記咗係大企業入面所學嘅嘢。慶幸今日同一位朋友傾計,如果唔係自己真係唔記得咗我一直相信嘅管理模式!

「空間」

無論係創業者也好,做一間公司嘅管理層又好,其實都要為自己同團隊諗將來肩負起唔同嘅責任。除咗有遠見之外,其實最重要係發展空間。如果無發展空間其實好難突破某啲關口,尤其係團隊嘅規模。因此無時無刻都要準備自己同團隊去成就更高更遠嘅業務,如果唔係機會嚟到嘅時候團隊就無辦法一齊成長。只不過當自己無咗大企業嘅名牌效應之後,彷彿將自己由十幾人嘅團隊擴展到三四百人嘅團隊所學到嘅經驗拋諸腦後。

「大業」

當然除咗創造機會之外,其實好多時都要睇員工自己本身。如果只係抱住打工嘅心態,每日返工放工,其實就算有機會去發展到無用。好多時都係睇嗰啲人嘅心態。如果一間公司只係靠一個人去營運其實係好難去發展,因為一個人嘅時間同能力有限,所以有時如果團隊抱怨點解無發展,其實係唔係應該諗下自己可以點樣幫到公司去發展。有時空間係大家一齊創造,如果淨係坐以待斃,其實就算係邊度工作都好,結果都係一樣!


Also published on Medium.

Comments are closed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Also published on Medium. Click to share on Facebook [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Also published on Medium. Click to share on Facebook [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Also published on Medium. Click to share on Facebook [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]