返轉頭

「奮鬥」

近排見到好多同期創業嘅朋友都喺到不斷轉型,好多都話方向都有啲迷茫,而事實上我亦有同感。唔通大家都有七年之癢?當然大家可以話係環境嘅問題,但係其實大家嘅眼光都唔係淨放係香港個市場。當見到大家都喺度煩緊嘅同時,大家依然好努力咁奮鬥緊。有七年前再創業之後所認識嘅朋友,其實係嚟刻依然堅持同繼續奮鬥緊嘅真係寥寥可數。慶幸嘅係大家都依然未放棄,依然搵緊出路!

「轉頭」

真係唔知係唔係咁啱得咁橋,今日係網上面睇到一篇文章,正正係好多創業者嘅心聲,或者亦都係我諗緊嘅嘢。筆者同自己一樣都係七年前放棄高薪厚職,自己去創業。當然創業總有起起跌跌,而且過程亦承受相當大嘅壓力,好多人都會諗係唔係應該要返轉頭打份呢?只不過係香港我諗好多公司會覺得創業已經有一段時間嘅人未必適合,點解?咁就要問下啲人力資源同獵頭公司啲人啦!

「兩手」

其實我俾自己創業嘅時間所剩無幾,而今年真係越做越無心機,就當年頭所講嘅一樣。今年係一年嘗試好多嘢嘅一年,亦係失去好多嘢嘅一年,到最後要還原基本步真係完全無諗過。當然我亦都冒出返轉頭嘅念頭,因為真係好頹嘅一年。其實過咗七年都已經唔算係創業,但係每日都仲係好似過緊啱啱創業嘅日子。當然打工唔係乜嘢大不了嘅事,有時真係仲簡單啲添。有時創業係應該要有兩手準備嘅!


Also published on Medium.

Comments are closed.

 
  • 儀錶板儀錶板嘅作用係將有用嘅數據呈現出嚟。有好多公司會用嚟監測日常業務,而要有效利用儀錶板首先就要定義佢嘅目的。就好似天文數據一樣,大家都想知道當日最高與最低嘅溫度。嚟個係一個實例,不過要有效咁決定呈現乜嘢數據,最緊要知道數據背後嘅意義同目的。如果儀錶板上面呈現一啲對工作毫無價值嘅數字,咁儀錶板就失去佢嘅意義。 Also published on Medium. Click to share on Facebook [...]
  • 被監控數據係一面雙刃刀,如果用得其所係可以改變世界,但係亦都可以好恐怖。科技嘅發展將大部份嘅設施電子化同網絡化,因此從中可以取得大量嘅數據。如果再加上人工識別功能嘅話,基本上無時無刻你都會被監控。當然咁樣係會觸發私問題,只不過即使你住係一個荒島,其實某程度上都有機會俾人搵到。如果唔想俾人搵到嘅話,分分鐘真係要搵個地下深淵先至得。 Also published on Medium. Click to share on Facebook [...]
  • 新聞業相信傳統新聞業俾人一個感覺就係一個好快俾人淘汰嘅行業,由其依家嚟個世代新聞嘅價值係啲乜,值幾多錢?而家個個都可以拎住部手機上網睇新聞,傳統報紙嘅價值變得越嚟越唔值錢。咁係唔係代表新聞無價值?當然並非如此,只不過要轉型,用一個唔同嘅方法再去令到新聞有返佢應有嘅價值。與此同時要改變大眾嘅消費新聞嘅模式,因為新聞係有價值而唔係免費! Also published on Medium. Click to share on Facebook [...]
  • 十年了不經不覺已經離開咗大公司十年。究竟自己用咗十年做咗啲乜?如果問心當然理想與現實不相符。有無浪費咗十年?其實又真係好難去量度。十年入面有無成長?或多或少都有啲,當然相比之下的確問慢咗好多!其實過去十年每年都總係有啲嘢發生,忙忙碌碌咁又過一年。自己俾自己嘅期限亦都所剩無幾,雖然人生好難計算,只係又到咗人生交叉點嘅時候。 Also published on Medium. Click to share on Facebook [...]