獨角獸


個人分享
Tagged With: , , , , , , , , ,

「創業」

每個人創業都有唔同嘅目的,有啲係因為想自己唔想打工,有啲係因為自己唔想受氣,有啲係因為覺得做老闆好型,有啲係因為失業而被逼創業,有啲係因為想退休仍然有好嘅生活,而當然有啲係希望搵好多好多錢。不過無論係咩嘢原因創業其實都唔緊要,因為創業係一個好好嘅人生體驗。如果每個人都總會覺得自己會成功,但係現實就係好殘酷,就算一間百年嘅企業都會有倒閉嘅可能性。所以世事係無絕對嘅!

「獨角」

相信好多創業嘅人都會知道乜嘢叫做「獨角獸」!當然我哋唔係講緊神話入面嗰啲有角嘅馬啦。其實「獨角獸」係指估值十億美元以上嘅創業公司,而直至二零一六年一月,世界上總共有二百二十九間公司被譽為「獨角獸」,其中有三十三間係中國,而有一百零一間係加州。當然好多人希望自己間公司會變成其中一間「獨角獸」,不過真係咁容易咩?但係真係見過有啲人都未創業就已經覺得自己係「獨角獸」,真係非常離地!

「科技」

老實講十八年前創業同依家創業真係好唔同。最起碼而家好多所謂嘅「獨角獸」大部份都係同科技有啲關係。當然好多後生細仔都希望可以創造一間「獨角獸」出嚟,只不過就算今日係「獨角獸」唔代表十年後都仲會係。點解?因為科技不斷發展,而世界只會有越來越多嘅「獨角獸」出現!「獨角獸」慢慢就變得越嚟越唔矜貴。所以創業係一個人生歷程,「獨唔獨角」真係咁重要咩?


Also published on Medium.

Comments are closed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Also published on Medium. Click to share on Facebook [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Also published on Medium. Click to share on Facebook [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Also published on Medium. Click to share on Facebook [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]