小數據

「數據」

經常有好多公司都會話自己有好多數據,但係就唔知點樣去用。有啲就話自己已經用緊數據,但係其實佢哋根本唔係用緊數據。有啲會話自己買咗唔知乜嘢嘅產品以為自己用緊數據,但係最終無人識用啲產品。講到尾其實有幾多數據,用乜嘢科技都唔係重點!重點係首先要有有用嘅數據,多唔代表有用,有用亦唔代表完整。所以有時其實唔係多與少嘅問題,係有無用嘅問題!

「多少」

過去幾年好多人都不斷講大數據,但係真係「多」就代表有用咩。幾年前我都覺得大數據嚟個形容詞好貼切,但係依家你問我嘅話我就非常討厭嚟三個字,因為俾太多人錯誤地濫用。當然一間公司有越多嘅數據係越好,不過最緊要嘅係重質不重量,因為越多就越多噪音,就越難搵到有用嘅訊息。因此而家我反而鍾意利用好多「小數據」去搵數據與數據之間嘅關係,慢慢積少成多就變成大家所謂嘅「大數據」。總括嚟講就係多唔一定好,只要有用嘅數據就算小啲又點?最緊要係用得着!

「有用」

所以話有時唔好以為「多」就得,「多」唔代表好,「多」唔代表有用。依家真係好鍾意啲「小」數據,因為好快就知道有無用。與此同時又唔需要投放大量嘅資源係科技層面,所以比較符合經濟效益。如果可以通過「小」數據去首先印證觀點同理論,之後再用更多嘅數據去加強結果嘅可信性,咁樣先至可以體現到乜嘢係「大」數據。講到尾有用嘅數據唔嫌多,無用嘅只會混淆視聽,就係咁簡單!


Also published on Medium.

Comments are closed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Also published on Medium. Click to share on Facebook [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Also published on Medium. Click to share on Facebook [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Also published on Medium. Click to share on Facebook [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]