超反常


個人分享
Tagged With: , , , , , , , , ,

「氣候」

當大家每日只係諗緊點樣生存嘅時候,其實有無認真留意下依家我哋生存嘅嚟個地方有啲乜嘢問題?以前香港嘅天氣邊度會咁反常,一年四季都好明顯,但係而家都已經十月尾,感覺都好似仲係夏天未。莫講話天氣唔凍之外,其實去到九月之後應該唔會有颱風,不過今年接二連三咁依然仲有颱風吹襲香港。講真以前話氣候改變大家都會覺得唔關自己事,但係大家近年應該感受到氣候改變嘅影響。仲話唔關自己事?

「反常」

而家嘅天氣真係超級反常,以前打風落雨都係夏天為主,但係依家都已經十月中,但係竟然仲有風打,真係認真誇張!最神奇嘅係之前打八號風球都唔會好似今次個風咁,雖然係三號風球,但係風力真係幾勁,或者因為無屏障嘅關係所以啲風特別勁。不過落雨落到無停兼且搞到好多地方水浸,真係好多年都無試過。由晏晝開始就已經係咁俾啲水浸相同片洗版,不過睇完都真係好誇張,好彩無造成人命傷亡。

「極端」

而家係世界各地都間唔中出現極端天氣,香港當然亦都唔例外。大家都應該覺得近年嘅夏天比起以前熱,冬天亦比以前嚟得遲,而基本上好多時春天同秋天都好似消失咗咁。其實近年嘅極端天氣多咗,經常性聽到嘅都會係話百年一遇嘅情況,所以大家真係要認真關心下氣候會對我哋嘅影響。有時我係度諗,地球自己本身係有生命,因為人類破壞咗原本嘅生態,所以佢而家係唔係嘗試自己治療自己呢?


Also published on Medium.

Comments are closed.

 
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]
  • 放閃日其實放閃係一個網絡嘅用語,主要係用嚟形容啲人係網上面炫耀自己。當中用得最多嘅係情侶之間互相公開自己嘅幸福同快樂,尤其係一啲單身人士搵到伴侶之後不斷發放相片炫耀自己嘅幸福。好多人會用閃光彈嚟形容,而回覆嘅通常係帶上黑超嘅表情符號,因為閃光彈好刺眼,所以要帶返副黑超擋一下啲耀眼嘅光芒!所以每逢情人節好多人都會通過唔同嘅渠道放閃! Also published on Medium. Click to share on Facebook [...]
  • 數據先好多公司都會有唔同嘅數據,但係到最後仍然解答唔到一啲商業上嘅問題。原因其實唔係出於數據,而係無人去設計點樣收集數據。就算有數據都唔知啲數係啲乜嘢情況下收集返嚟。最終導致啲數據無法解釋日常業務嘅問題!可多公司都低估咗收集同分析數據所需要嘅人力以及資源,通常都係到咗分析嗰一刻先至發現問題。所以點樣收集數據係緊要過點樣分析數據! Also published on Medium. Click to share on Facebook [...]
  • 被截停當然警察如果遇到或者發現可疑嘅車輛係有權利去截停佢,但係只不過如果因為要截停可疑嘅車輛所導致嘅傷亡係唔係有必要呢?其實係好幾年前香港警察曾經截停路面嘅私家車做路障,希望截停可疑車輛而導致安份守己嘅市民有性命財產嘅損失。而近日亦有類似「人肉路障」嘅事件發生,今次就導致兩死五人受傷。老實講點解要市民用自己嘅性命同財產去幫你截停可疑車輛先? Also published on Medium. Click to share on Facebook [...]