適可而

「三權」

好多時做任何嘢都應該諗下後果,因為唔係樣樣嘢都可以返轉頭。有時有啲嘢真係要識可而止,有時玩大咗真係收唔返,過咗火就係過咗火。無論係立法會又好,香港政府又好,其實大家都應該諗下點樣先至可以令香港向前行,就算唔向前行到唔好向後行先得架。當然候任立法會議員有不當嘅行為,但係政府亦都要識可而止,唔好搵藉口破壞香港係一國兩制下,三權分立嘅制度!

「意義」

依家真係唔知啲後生點樣諗,咁辛苦先至入到立法會,其實係唔係應該諗下點樣用大家俾你哋嘅四年呢?繼續為啲雞毛蒜皮,毫無意義嘅嘢去做一啲會影響自己甚至香港人嘅福祉為乜?係要搞到原本支持佢哋嘅人都有啲懷疑佢哋。當然好多人都希望佢哋可以帶來改變,但係其實有好多嘢都應該識可而止!當然嚟句同時亦都係同政府講,因為繼續破壞香港嘅社會價值對任何一方都無好處。

「權力」

其實政府今次嘅動作係好明顯向民主挑戰,雖然我今次都唔幫班年青人,因為佢哋真係過咗火位。但係咁就代表政府可以濫用權力去挑戰民選出嚟嘅立法會議員?當然政府可以話佢哋無按照條例去宣誓,但係咁樣係唔係可以干預立法會?律政司要申請緊急司法覆核,挑戰立法會主席梁君彥決定,阻止「青年新政」立法會議員梁頌恆及游蕙禎再次宣誓。使唔使咁大陣仗呀?好明顯別有用心!


Also published on Medium.

Comments are closed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Also published on Medium. Click to share on Facebook [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Also published on Medium. Click to share on Facebook [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Also published on Medium. Click to share on Facebook [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]