大閘蟹


個人分享
Tagged With: , , , , , , , , ,

「秋天」

秋風起,蟹腳癢,菊花開,聞蟹來。非常簡單直接講出秋天係食蟹嘅季節。咁點解秋天係嘅蟹係最好吃?有啲人話秋天係蟹產卵嘅季節,亦有人話入秋嘅時候,海水逐漸變凍,蟹要儲存能量準備過冬,所以身上嘅蟹黃蟹膏特別肥美。雖然一年四季都可以食蟹,但只有嚟個時候蟹肉夠厚同鮮甜,蟹黃蟹膏濃郁。而如果能夠吃一次知陽澄湖嘅大閘蟹,再配酒賞菊,係被視為文人雅士秋日嘅最佳活動。

「洗版」

相信最近好多人都會比大閘蟹洗版,因為又到咗食大閘蟹嘅季節。食大閘蟹當然唔少得一支花雕酒,一支陳醋,一杯薑茶。以前有一段好長嘅時間我係唔食得蟹,因為食完之後就會喉嚨痕,但係前幾年又無啦啦無事,所以可以食返蟹。而食蟹好多人都會有自己嘅喜好,有啲鍾意食公,有啲鍾意食乸。不過我最佩服嘅就係嗰啲人食完大閘蟹之後可以完完整整咁將隻蟹切返出嚟。真係好犀利!

「講究」

食大閘蟹講究嘅就係原汁原味,清蒸係最出味嘅做法,可以等大閘蟹嘅鮮味發揮得淋漓盡致。當然清蒸後食大閘蟹嘅方法都好有講究,首先要準備醋姜汁,因為蘸嚟食可以去除大閘蟹嘅寒氣,以避免身體不適。食蟹肉同蟹黃嘅順序都有講究,就係先食蟹肉,因為蟹肉鮮味,蟹黃濃香,食過蟹黃後再吃蟹肉嘅話,蟹肉嘅鮮美就能最好咁體現出來嚟。如果食得太多大閘蟹嘅話,腸胃有可能感到不適,所以可以飲一碗姜茶水嚟調節。


Also published on Medium.

Comments are closed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Also published on Medium. Click to share on Facebook [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Also published on Medium. Click to share on Facebook [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Also published on Medium. Click to share on Facebook [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]