論成功


個人分享
Tagged With: , , , , , , , , ,

「人生」

成功嚟兩個字應該係每個人嘅人生入面不斷出現。要成功有好多途徑,但係首先乜嘢係成功先?一個人嘅人生點先至算叫做成功?成功大學畢業,成功搵到份工,成功買到層樓,成功搵到個老婆,成功湊大小朋友,等等都應該係每個人聽唔少嘅嘢!不過你又點樣定義成功?其實成功好睇自己嘅價值觀,而好多時成功嘅定義係主流社會嘅定義。如果社會價值扭曲,成功嘅定義亦都會扭曲!

「成功」

究竟乜嘢叫做成功?你同我嘅定義都會有唔同,不過如果你問我依家點樣先至覺得成功,我諗我嚟刻未必答到你,因為我每個階段都有唔同嘅睇法。以前嘅成功好多時都會以自己嘅工作而作為標準,例如自己搵幾多錢,自己管理幾大嘅團隊,自己可唔可以用更短嘅時間去做到人哋做嘅嘢,等等。不過而家我真係唔知點樣去定義成功嚟兩個字,事關自己一啲都唔覺得有啲乜嘢稱得上為成功!

「品質」

當自己問乜嘢係成功嘅時侯,當然就會自自然然上網搵下其他人點樣去定義成功。人嘅一生可以控制嘅莫過於嚟八種資源:財富,信息,智力,品質,人際,健康,時間,空間。八種資源,我最認同嘅就係品質,因為品質係心理資源嘅一部分,而表露出嚟嘅部份就係每個人嘅人格同魅力。一個人無可能同時擁有嗰八種資源,而可以將所有資源用盡,其實靠嘅係人嘅品質。俗語話大事做人,做嘅就係指品質!


Also published on Medium.

Comments are closed.

 
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]
  • 放閃日其實放閃係一個網絡嘅用語,主要係用嚟形容啲人係網上面炫耀自己。當中用得最多嘅係情侶之間互相公開自己嘅幸福同快樂,尤其係一啲單身人士搵到伴侶之後不斷發放相片炫耀自己嘅幸福。好多人會用閃光彈嚟形容,而回覆嘅通常係帶上黑超嘅表情符號,因為閃光彈好刺眼,所以要帶返副黑超擋一下啲耀眼嘅光芒!所以每逢情人節好多人都會通過唔同嘅渠道放閃! Also published on Medium. Click to share on Facebook [...]
  • 數據先好多公司都會有唔同嘅數據,但係到最後仍然解答唔到一啲商業上嘅問題。原因其實唔係出於數據,而係無人去設計點樣收集數據。就算有數據都唔知啲數係啲乜嘢情況下收集返嚟。最終導致啲數據無法解釋日常業務嘅問題!可多公司都低估咗收集同分析數據所需要嘅人力以及資源,通常都係到咗分析嗰一刻先至發現問題。所以點樣收集數據係緊要過點樣分析數據! Also published on Medium. Click to share on Facebook [...]
  • 被截停當然警察如果遇到或者發現可疑嘅車輛係有權利去截停佢,但係只不過如果因為要截停可疑嘅車輛所導致嘅傷亡係唔係有必要呢?其實係好幾年前香港警察曾經截停路面嘅私家車做路障,希望截停可疑車輛而導致安份守己嘅市民有性命財產嘅損失。而近日亦有類似「人肉路障」嘅事件發生,今次就導致兩死五人受傷。老實講點解要市民用自己嘅性命同財產去幫你截停可疑車輛先? Also published on Medium. Click to share on Facebook [...]