計太盡

「修為」

如果一個好嘅數據分析師係會同大家講,唔好麻木相信數據!點解?原因好簡單,因為凡事太盡係會物極必反。所以有修行嘅數據分析師係唔會,講多次係唔會叫任何人用百分百數據去做任何嘢。雖然我自己近年好專注數據分析,亦希望推動數據分析嚟個行業,但係自己始終唔會忘記自己亦都係一個設計師嘅身份,所以會發現有一樣嘢係數據可以分析到嘅就係創意!所以就算我幾鍾意都好,數據係由人創造出嚟,數據係創意嘅副產品,所以數據亦並非萬能!

「濫用」

依家好多人都會濫用數據嚟兩個字,乜嘢前面都加數據嚟兩個字。例如數據推廣,數據營銷,數據營運,數據創作,數據乜乜乜。而因為加咗數據嚟兩個字就好似勁啲,所以好多人將嚟啲詞語經常掛係嘴邊,但係就完全唔明白箇中嘅精髓。所以話呢,有時唔好以為吹得就代表知道點樣去做。數據唔係萬能,唔好係度乜都數據前數據後,數據係有好多盲點,麻木相信數據只會本末倒置,到最後得不償失。

「了解」

要係數據同創意之間搵一個平衡點係一件好難嘅事,不過以我過去嘅經驗係有一個黃金比例。而嚟個比例係三分創意,七分數據。如果太多或者太少嘅話,數據就會磨滅創意同遷就用戶嘅習慣,慢慢就會一板一眼,所有嘢就會好似倒模咁。因此數據係用嚟支持創意嘅理據,數據係用嚟了解創意嘅效益,數據係用嚟引証創意嘅虛實,所以以後唔好以為係某啲事同物前面加數據兩個字就好似好勁咁,唔該首先了解下乜嘢係數據先!


Also published on Medium.

Comments are closed.

 
  • 儀錶板儀錶板嘅作用係將有用嘅數據呈現出嚟。有好多公司會用嚟監測日常業務,而要有效利用儀錶板首先就要定義佢嘅目的。就好似天文數據一樣,大家都想知道當日最高與最低嘅溫度。嚟個係一個實例,不過要有效咁決定呈現乜嘢數據,最緊要知道數據背後嘅意義同目的。如果儀錶板上面呈現一啲對工作毫無價值嘅數字,咁儀錶板就失去佢嘅意義。 Also published on Medium. Click to share on Facebook [...]
  • 被監控數據係一面雙刃刀,如果用得其所係可以改變世界,但係亦都可以好恐怖。科技嘅發展將大部份嘅設施電子化同網絡化,因此從中可以取得大量嘅數據。如果再加上人工識別功能嘅話,基本上無時無刻你都會被監控。當然咁樣係會觸發私問題,只不過即使你住係一個荒島,其實某程度上都有機會俾人搵到。如果唔想俾人搵到嘅話,分分鐘真係要搵個地下深淵先至得。 Also published on Medium. Click to share on Facebook [...]
  • 新聞業相信傳統新聞業俾人一個感覺就係一個好快俾人淘汰嘅行業,由其依家嚟個世代新聞嘅價值係啲乜,值幾多錢?而家個個都可以拎住部手機上網睇新聞,傳統報紙嘅價值變得越嚟越唔值錢。咁係唔係代表新聞無價值?當然並非如此,只不過要轉型,用一個唔同嘅方法再去令到新聞有返佢應有嘅價值。與此同時要改變大眾嘅消費新聞嘅模式,因為新聞係有價值而唔係免費! Also published on Medium. Click to share on Facebook [...]
  • 十年了不經不覺已經離開咗大公司十年。究竟自己用咗十年做咗啲乜?如果問心當然理想與現實不相符。有無浪費咗十年?其實又真係好難去量度。十年入面有無成長?或多或少都有啲,當然相比之下的確問慢咗好多!其實過去十年每年都總係有啲嘢發生,忙忙碌碌咁又過一年。自己俾自己嘅期限亦都所剩無幾,雖然人生好難計算,只係又到咗人生交叉點嘅時候。 Also published on Medium. Click to share on Facebook [...]