港傑青


個人分享
Tagged With: , , , , , , , , ,

「討論」

今日最多人討論嘅應改都會係啱啱公佈嘅「香港十大傑出青年」。究竟乜嘢條件先至可以當選或者有資格叫做傑出青年?十大傑出青年選舉由國際青年商會香港總會於一九七零年創辦,主要目的係表揚工作上有卓越表現,及對社會作出貢獻,年齡介乎二十一至四十歲之間嘅香港青年,鼓勵青年積極參與社會服務,及激勵青年於個人事業及公眾服務方面銳意進取。

「傑青」

其實過去咁多年有乜嘢人當選過「香港十大傑出青年」呢?其實真係有好多大家都會熟悉嘅名人,而且有好多大家都會認同。但係點解今年突然會有咁多人關心?其實都係因為當中一位得獎人嘅言論。有人話依家香港嘅年青人係唔係淨係得一個成功嘅指標,就係買樓?老實講過去幾年,我覺得好多年輕人係因為大環境而覺得成功就等於賺好多錢,成功就等同買樓。

「社會」

其實好多時都因為主流社會嘅問題而扭曲咗好多人嘅價值觀。香港係一個非常之好嘅例子,因為可多人都係為咗生活而工作,而如果你同人講夢想簡直係天方夜譚。有時真係覺得好多香港人真係窮得剩得錢,不過除咗嗰一位傑青之外,其他幾位其實都係實至名歸嘅。不過有時真係唔知嗰啲傑青係點樣選出嚟,因為真係好似出名啲嘅人都會係傑青。


Also published on Medium.

Comments are closed.