電動車

「電動」

近一兩年,電動車嘅發展同應用到越來越多,當然最大嘅功勞就係日新月異嘅科技。好多車廠都已經開始研發電動車,但係至於用家方面仍然仲未普及。係香港最大嘅問題應該係充電嘅問題,因為唔係個個停車場都有地方充電,所以好多人都會卻步。不過相信電動車會越嚟越普及,不過鍾意引擎聲嘅朋友就未必鍾意電動車,因為真係靜到架車衝緊埋嚟你都唔知。

「賽車」

嚟兩日鐘意賽車嘅朋友嘅焦點都應該放咗係香港中環舉辦嘅電動方程式!今次嘅賽道雖然受到地理限制,賽道全長相對比較短,但係起碼今次係第一次係香港舉行嘅賽車賽事。今日係網上面見到好多朋友都去咗睇比賽,不過今年自己就無緣去親身感受嚟個運動。希望香港以後都可以舉辦多啲賽事,與此同時希望條賽道可以加長啲,仲有唔該可唔可以鋪返好條路先呢?

「特別」

其實電動方程式最特別個地方就係當無電嘅時候,個車手係要入維修站換車。同傳統一級方程式唔同,真係一個唔覺意跌低咗,咁就嘥咗啲時間。所以嚟個都係一個勝負嘅關鍵,而感覺真係好似有少少跳船咁。不過最唔慣嘅地方就當然係無咗啲引擎聲,只係得返啲滋滋聲,所以好多鍾意引擎聲嘅朋友就未必鍾意電子方程式。不過好似香港咁細嘅地方,又真係只可以舉辦嚟啲賽事。點都好希望多啲人認識賽車嚟個運動啦!


Also published on Medium.

Comments are closed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Also published on Medium. Click to share on Facebook [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Also published on Medium. Click to share on Facebook [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Also published on Medium. Click to share on Facebook [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]