進退難


個人分享
Tagged With: , , , , , , , , ,

「攻防」

創業每日都好似係度玩緊攻防戰,有時要進攻,有時要防守,但係有時又會係一啲膠著狀態,真係進退兩難。尤其係守業嘅過程,想進又進唔到,想退又退唔到,唯一嘅方法就係搵第二條路。不過無人知第二條路又會係點,所以就會不斷搵唔同嘅路,不斷搵希望搵到不斷向前嘅方案。只不過人生有幾多時間可以不斷發掘,不斷開拓,不斷嘗試?

「進退」

經過七年嘅旅程,原本嘅雄心壯志,原本嘅熱誠,原本堅守嘅信念,其實係無點樣變過。但係日復日,年復年,越嚟越質疑自己嘅堅持。一個城市,一個社會,經過七年都毫無進步,老實講真係有少少疲態。行先一步其實未必一定快人一步,有時就係行得太快所以同現實有點兒脫軌。但係如果放係其他地方,其實或者自己已經落後好多。

「動力」

當然唔係樣樣投資都會有相同嘅回報,但係有一樣嘢可以肯定嘅就係不進則退,唔可以原地踏步,固步自封。當然嚟個又係選擇題,無話啱定錯。只不過每次去到十字路口嘅時候,你就會諗行邊個方向。無論係點,如果無咗熱誠,好容易就會無咗動力,無咗動力就好似一隻船係海上面漂浮,只會隨波逐流,迷失方向。所以點都好一定要搵到動力嘅源頭!


Also published on Medium.

Comments are closed.

 
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]
  • 放閃日其實放閃係一個網絡嘅用語,主要係用嚟形容啲人係網上面炫耀自己。當中用得最多嘅係情侶之間互相公開自己嘅幸福同快樂,尤其係一啲單身人士搵到伴侶之後不斷發放相片炫耀自己嘅幸福。好多人會用閃光彈嚟形容,而回覆嘅通常係帶上黑超嘅表情符號,因為閃光彈好刺眼,所以要帶返副黑超擋一下啲耀眼嘅光芒!所以每逢情人節好多人都會通過唔同嘅渠道放閃! Also published on Medium. Click to share on Facebook [...]
  • 數據先好多公司都會有唔同嘅數據,但係到最後仍然解答唔到一啲商業上嘅問題。原因其實唔係出於數據,而係無人去設計點樣收集數據。就算有數據都唔知啲數係啲乜嘢情況下收集返嚟。最終導致啲數據無法解釋日常業務嘅問題!可多公司都低估咗收集同分析數據所需要嘅人力以及資源,通常都係到咗分析嗰一刻先至發現問題。所以點樣收集數據係緊要過點樣分析數據! Also published on Medium. Click to share on Facebook [...]
  • 被截停當然警察如果遇到或者發現可疑嘅車輛係有權利去截停佢,但係只不過如果因為要截停可疑嘅車輛所導致嘅傷亡係唔係有必要呢?其實係好幾年前香港警察曾經截停路面嘅私家車做路障,希望截停可疑車輛而導致安份守己嘅市民有性命財產嘅損失。而近日亦有類似「人肉路障」嘅事件發生,今次就導致兩死五人受傷。老實講點解要市民用自己嘅性命同財產去幫你截停可疑車輛先? Also published on Medium. Click to share on Facebook [...]