港環境


個人分享
Tagged With: , , , , , , , , ,

「生活」

如果你問我世界上有邊個地方適合居住,老實講我都唔知。因為每個國家都有自己嘅問題,而係唔係離開咗香港就係最好?呢個問題我都問過好多人。當然世界咁大,總有一個地方比另一個地方好。講到尾係自己覺得適唔適合,而返咗嚟香港咁多年,老實講我真係覺得自己唔識合係香港生活。不過離開就代表好啲?我又唔敢擔保!不過真係仲有好多地方想去!

「環境」

好多人同我講,就算有得揀都唔會離開香港。有時我會諗點解呢?當然每個人嘅決定都有唔同,但係現今嘅香港嘅環境真係適合小朋友生活同成長嗎?反而我會諗嚟個問題多啲。無論居住環境,教育環境,社會環境,工作環境,等等,每一樣嘢都有令人擔心嘅地方。就算有時唔諗自己都要為小朋友諗,而我最擔心嘅就係佢哋嘅人生價值觀!

「育兒」

其實要培育一個小朋友真係有好多學問,當然除咗家長本身之外,其實有好多嘢去配合。但係當一個社會本身已經有問題嘅時候,真係可以淨係靠家長就可以改變?近排好多人都係度講育兒嘅問題,而好多其實係西方嘅教育方針。當然最好就係中西合璧,但係香港真係有好多嘢都好難去實踐,事關嚟個係社會本身嘅問題!


Also published on Medium.

Comments are closed.

 
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]
  • 放閃日其實放閃係一個網絡嘅用語,主要係用嚟形容啲人係網上面炫耀自己。當中用得最多嘅係情侶之間互相公開自己嘅幸福同快樂,尤其係一啲單身人士搵到伴侶之後不斷發放相片炫耀自己嘅幸福。好多人會用閃光彈嚟形容,而回覆嘅通常係帶上黑超嘅表情符號,因為閃光彈好刺眼,所以要帶返副黑超擋一下啲耀眼嘅光芒!所以每逢情人節好多人都會通過唔同嘅渠道放閃! Also published on Medium. Click to share on Facebook [...]
  • 數據先好多公司都會有唔同嘅數據,但係到最後仍然解答唔到一啲商業上嘅問題。原因其實唔係出於數據,而係無人去設計點樣收集數據。就算有數據都唔知啲數係啲乜嘢情況下收集返嚟。最終導致啲數據無法解釋日常業務嘅問題!可多公司都低估咗收集同分析數據所需要嘅人力以及資源,通常都係到咗分析嗰一刻先至發現問題。所以點樣收集數據係緊要過點樣分析數據! Also published on Medium. Click to share on Facebook [...]
  • 被截停當然警察如果遇到或者發現可疑嘅車輛係有權利去截停佢,但係只不過如果因為要截停可疑嘅車輛所導致嘅傷亡係唔係有必要呢?其實係好幾年前香港警察曾經截停路面嘅私家車做路障,希望截停可疑車輛而導致安份守己嘅市民有性命財產嘅損失。而近日亦有類似「人肉路障」嘅事件發生,今次就導致兩死五人受傷。老實講點解要市民用自己嘅性命同財產去幫你截停可疑車輛先? Also published on Medium. Click to share on Facebook [...]