回顧下


個人分享
Tagged With: , , , , , , , , ,

「兩年」

唔覺唔覺連續寫咗兩年嘢,有時真係想將每一年嘅日誌印返本書。或者我係比較傳統,有時真係唔會睇返之前嘅文章。有時真係連自己寫過啲乜都唔記得咗。當然我唔會期望會有人睇,因為基本上係自己嘅日誌,只係俾自己一個平台發下噏風。有時真係寫到唔知寫乜,不過都會堅持嚟個習慣。因為有時寫嘢可以等自己抽離下緊張嘅生活。老實講,有時睇返自己寫嘅嘢真係又有另一番味道!

「回顧」

好啦,又係時候同大家回顧下我個網站同文章嘅數據啦。係過去一年有『三萬零九百九十七』次訪問過網站,有『二萬二千三百九十九』個瀏覽器訪問過,而總共睇咗『三萬九千零三十三』頁,即係平均每次嘅訪問睇『一點二六』頁。雖然平均逗留時間唔係太準確,不過大約每次停留『二十六』秒。因為今年無買廣告,所以人流一定少咗,不過最慶幸就係個網誌竟然有長青嘅文章。

「最多」

最多人睇嘅係邊篇文?頭十位嘅係「大騙案」,「消防員」,「吸塵機」,「鳩嗚呀」,「去果欄」,「黃翠如」,「水波爐」,「真廣告」,「新屎坑」,「張保仔」。今年我無落過廣告,但係最特別嘅係「去果欄」竟然係一篇好多人會搵嘅嘢。其實慢慢個網址有一定嘅人流係來自搜尋器,不過我最想知嘅係有無人真係咁神心睇晒我每一篇網誌。不過點都好有人睇有人認同就夠啦!


Also published on Medium.

Comments are closed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Also published on Medium. Click to share on Facebook [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Also published on Medium. Click to share on Facebook [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Also published on Medium. Click to share on Facebook [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]