一席話


個人分享
Tagged With: , , , , , , , , ,

「難得」

如果你一生有機會遇到一個貴人真係你嘅福份,因為唔係個個人都會遇到賞識你嘅人。當然佢唔單止會俾機會你,而如果你遇到困難嘅時候亦會扶你一把!通常我遇到嘅都係俾到金石良言嘅人,包括以前工作上嘅老闆。有時真係做到無晒動力,無晒方向,甚至乎好想放棄,不過當有一個人同你分析依家嘅問題,再俾啲好實在嘅意見同方向,有時真係好難得!

「前路」

聽君一席話,勝讀十年書!係香港做咗咁多年數據分析,其實聽到企業嘅問題都係差唔多。當然不變則退,雖然依然係數據行先,但係其實綜合咁多年嘅經驗,真係仲有好多可能性。近日同多咗人坐低傾偈,將自己嘅諗法分享咗,大致上同我嘅諗法一樣。但係真係好睇自己會唔會遇到貴人幫我一把。一個人可以做嘅嘢真係有限,希望可以唔洗擔心本業之餘會有空間去做更多。

「意見」

依家遇到問題通常我都會搵兩個人去問佢哋嘅意見,因為每次佢哋都好樂意去聆聽我嘅問題,而且佢哋都可以好理性咁分析同給予一啲好有建設性嘅建議。有時真係覺得創業嚟條路真係好難返轉頭,依家只可以話硬着頭皮向前行。不過有啲堅持我諗係時候要放棄,係時候行另一條路,等自己嘅壓力可以減輕。不過都係嗰句,搵到夾得嚟嘅人真係難過搵老婆!


Also published on Medium.

Comments are closed.