兩年後

「兩年」

我其實已經唔記得咗兩年前我寫過啲乜,而慶幸嘅係我因為嚟個網誌以記錄咗一段香港人嘅歷史。除此之外,竟然因為自己發起嘅活動而收集咗超過一百篇嘅個人感受。唔知大家睇返嘅時候會唔會同而家嘅諗法有所不同?兩年時間話長唔長,話短唔短,好多嘢都變咗,不過嚟段歷史係唔會改變。一個政府用咗四年去分裂香港人,如果再俾多四年佢,香港會變成點真係無法想像!

「感受」

今日對於香港人嚟講應該有唔同嘅感受!兩年前嘅今日係香港最黑暗嘅一日,而今日睇返兩年前寫嘅文章反而係度諗,究竟香港兩年後嘅今日又變成點?好多人相信已經因為生活已經忘記甚至乎再唔覺得兩年前嘅今日發生咗嘅事會對佢哋嘅影響有幾大!無可厚非,人係善忘,但係歷史係唔會因為時間而沖淡。無人可以推翻歷史,無人可以推翻一個催淚彈,無人可以忘記「雨傘運動」!

「希望」

希望大家唔好忘記兩年前嘅今日,唔好忘記香港人有幾咁團結,大家嘅努力係唔會白費,而我相信如果香港再有同類嘅事件發生嘅時候,大家亦都會好似兩年前咁企出嚟!希望自己所記錄嘅所有嘢可以留返俾我哋嘅下一代,等佢哋記得香港曾經發生過一件咁嘅事。雖然當初想集文成書,不過就算無實體書,所有嘅「雨。感受」仍然會係我嘅網頁永久保存。


Also published on Medium.

Comments are closed.

 
  • 儀錶板儀錶板嘅作用係將有用嘅數據呈現出嚟。有好多公司會用嚟監測日常業務,而要有效利用儀錶板首先就要定義佢嘅目的。就好似天文數據一樣,大家都想知道當日最高與最低嘅溫度。嚟個係一個實例,不過要有效咁決定呈現乜嘢數據,最緊要知道數據背後嘅意義同目的。如果儀錶板上面呈現一啲對工作毫無價值嘅數字,咁儀錶板就失去佢嘅意義。 Also published on Medium. Click to share on Facebook [...]
  • 被監控數據係一面雙刃刀,如果用得其所係可以改變世界,但係亦都可以好恐怖。科技嘅發展將大部份嘅設施電子化同網絡化,因此從中可以取得大量嘅數據。如果再加上人工識別功能嘅話,基本上無時無刻你都會被監控。當然咁樣係會觸發私問題,只不過即使你住係一個荒島,其實某程度上都有機會俾人搵到。如果唔想俾人搵到嘅話,分分鐘真係要搵個地下深淵先至得。 Also published on Medium. Click to share on Facebook [...]
  • 新聞業相信傳統新聞業俾人一個感覺就係一個好快俾人淘汰嘅行業,由其依家嚟個世代新聞嘅價值係啲乜,值幾多錢?而家個個都可以拎住部手機上網睇新聞,傳統報紙嘅價值變得越嚟越唔值錢。咁係唔係代表新聞無價值?當然並非如此,只不過要轉型,用一個唔同嘅方法再去令到新聞有返佢應有嘅價值。與此同時要改變大眾嘅消費新聞嘅模式,因為新聞係有價值而唔係免費! Also published on Medium. Click to share on Facebook [...]
  • 十年了不經不覺已經離開咗大公司十年。究竟自己用咗十年做咗啲乜?如果問心當然理想與現實不相符。有無浪費咗十年?其實又真係好難去量度。十年入面有無成長?或多或少都有啲,當然相比之下的確問慢咗好多!其實過去十年每年都總係有啲嘢發生,忙忙碌碌咁又過一年。自己俾自己嘅期限亦都所剩無幾,雖然人生好難計算,只係又到咗人生交叉點嘅時候。 Also published on Medium. Click to share on Facebook [...]