十四個


個人分享
Tagged With: , , , , , , , , ,

「滿足」

一日一日咁睇住郭大少長大而應該係我每日最希望嘅嘢,因為錯過咗就真係錯過咗。係我眼中佢依然係最特別嘅小朋友,佢其實識好多嘢但係佢表唔表現俾你知係另一回事。相對好多小朋友真係托賴佢健康無乜太大問題,其實已經相當安慰。當然亦都因為老婆嘅功勞,一直堅持餵人奶。相信嚟個亦都係其中一個原因。見到佢每一自由自在,無憂無慮,開開心心就已經好滿足。

「回顧」

又係時候幫郭大少做回顧,今個月嚟個小朋友又長大咗,依家行路好咗,可以唔使扶都可以行到啲。不過識行路之後就變得好有主見,有時想去邊就要去邊,唔滿意就揈開隻手,真係要更加睇實啲。最近開始嗌爸爸多咗,識多咗啲單字,但係食嘢都係唔肯坐低,鍾意食就食好多,真係比佢激死。依家間唔使有會走嗲下我哋兩個,講真唔扭計嘅時候真係幾可愛嘅。

「性格」

嚟個小朋友除咗笑點低之外,依家經常要我哋唱歌俾佢聽,去到麵包店見到啲麵包就係咁話要食,見到所有人都主動打招呼撩人玩,見到啲大哥哥大姐姐就好興奮。佢嘅喜怒哀樂都擺係面上,出去玩已經同之前好唔同,如果個地方熟絡咗之後基本上唔會理我哋兩個。不過真係仲未可以教佢坐低食飯同掉嘢嘅習慣,真係要花多啲時間去改變佢嚟啲壞習慣。


Also published on Medium.

Comments are closed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Also published on Medium. Click to share on Facebook [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Also published on Medium. Click to share on Facebook [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Also published on Medium. Click to share on Facebook [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]