飛髮舖


個人分享
Tagged With: , , , , , , , , ,

「推廣」

依家各行各業都會係網上面做推廣,但係就好似唔覺飛髮舖或者髮型師就網上推廣。當然唔好搵嗰啲所謂嘅星級髮型師去相提並論,因為唔係一個香港普通嘅市民會搵嘅髮型師。我記得我都係誤打誤撞去咗一間樓上舖,是但搵個人剪頭髮,跟住佢竟然連我咁難搞嘅頭髮都搞得掂,所以咁多年都係搵佢剪頭髮。點解?因為真係好難先至搵到一個髮型師唔會剪到我個頭起角!

「頭髮」

今日無啦啦係度諗,每個人都要剪頭髮,而嚟個傳統行業究竟點樣可以不斷吸引一啲嘅新客戶呢?以前佢哋係一啲旺區,一間地舖,人流多就散客多,但係如果你問我,我咁多年嚟都係搵返幫我剪開嗰兩位髮型師。唔知大家會點樣去選擇自己嘅髮型師?誤打誤撞入去?朋友介紹?定係有其他路徑?其實佢哋有乜嘢途徑做推廣?真係有少少想研究嚟個行業!

「評論」

當然細個嘅時候真係是但一間睇落正常或者價錢合理嘅飛髮舖就會走入去剪頭髮。但係十次九次都中招,所以搵到一個識剪我個頭,我就真係搵咗佢咁多年。當然唔係個個都會係咁,但係我相信有人會同我一樣。剪頭髮真係同睇醫生一樣,真係人夾人,只不過因為法例唔可以好似辨論餐廳一樣咁評論醫生,但係髮型師應該得㗎嘛?而且嚟個行業真係無可能消失,因為個個人都要剪頭髮!


Also published on Medium.

Comments are closed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Also published on Medium. Click to share on Facebook [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Also published on Medium. Click to share on Facebook [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Also published on Medium. Click to share on Facebook [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]