跑馬仔


個人分享
Tagged With: , , , , , , , , ,

「賽馬」

老實講我對跑馬一啲興趣都無,就連馬場都只係去過一次。當然好多香港人都對跑馬好有興趣,不過我連點買馬都唔識,莫講話睇馬。但係跑馬真係有好多野可以分析,不過當中有好多唔同嘅因素要考慮,例如天氣,場地,路程,馬嘅狀況,騎師嘅狀況,等等!所以真係仲難過買六合彩,尤其係三重彩!要三場賽事都要買中頭馬,嚟個可能性真係可以話微乎其微。所以賭馬真係同倒錢落海無分別!

「終點」

唔知大家有無睇過最近熱爆嘅一場馬,就係一隻馬由出閘開始大落後到最尾超越所有對手仲跑第一!當然好多人都或者會覺得撞彩啫,但係最近嚟隻馬再一次出賽,而雖然佢再一次出閘包尾,但係又再一次係最尾嘅直路發力,再一次超越所有對手!真係睇到你歎為觀止,怕晒手掌!邊隻馬咁勁?佢個名叫做巴基之星!而大家係嚟隻馬身上學到啲咩?咪就係輸在起跑線但係贏在終點線囉!

「輸贏」

好多人其實好在意輸贏,但係就算開頭俾你贏咗又點?因為就算嚟一刻你贏緊但係唔代表你到最後會贏。所以未到最後一刻,贏定輸都未知,只要堅持就有機會贏。就好似巴基之星一樣,就算出閘包尾又點?唔止一次而係兩次都證明咗未到最後都未知誰勝誰負!一場馬就已經道出好多做人嘅道理,雖然唔知佢第三場嘅表現會係點,但係已經唔重要,因為一日未落場都未知輸贏!


Also published on Medium.

Comments are closed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Also published on Medium. Click to share on Facebook [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Also published on Medium. Click to share on Facebook [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Also published on Medium. Click to share on Facebook [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]