考技巧


個人分享
Tagged With: , , , , , , , , ,

「功夫」

每次準備一啲重要嘅計劃書都會遇到一個好重要嘅問題,就係內容太多時間太少。要用最短嘅時間講最多嘅嘢真係好考技巧,因為時間有限所以要係短短嘅六十分鐘將訊息完完全全表達出嚟,老實講唔係樣樣嘢都可以一言兩語就可以講完。好多時我都會去研究人哋嘅計劃書,因為從中可以學習到一啲技巧,不過講到尾都要要睇邊個去演繹成件事,就算同一份計劃書,唔同人都會有唔同嘅演繹方法。

「計劃」

通常我準備計劃書都會用一個標準就係三至五分鐘一頁,每頁都希望圖多字少,因為一圖勝千語。所以事前我都會用紙筆寫低整個故事大鋼,睇下有無漏咗重點,與此同時睇下整個計劃書嘅流暢度。至於頁數方面一般都會係十二至二十頁左右,而涵蓋嘅重點亦都控制係十點入面。當然就算點樣準備都好,其實最重要當日嘅臨場表現,因為好多時你只有一次嘅機會去講解個計劃書!

「學習」

雖然做過好多次計劃書,但係都仲唔可以做到得心應手。好多時就算準備好事前嘅工作,但係做做下又改下嚟樣嗰樣,結果都係要攪一大輪先知搞掂。當然有時候真係無乜時間,所以未必次次做到百分百完美,唯有係講解嘅時候做返好啲去彌補。當然做得多,試得多,失敗得多,慢慢就會進步。無人係天生出嚟就識寫計劃書,而且每個人都有自己嘅風格,所以有時真係無人可以教你點樣可以做好啲!


Also published on Medium.

Comments are closed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Also published on Medium. Click to share on Facebook [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Also published on Medium. Click to share on Facebook [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Also published on Medium. Click to share on Facebook [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]