方程式

「賽車」

鍾意賽車嘅朋友好多時都會鍾意一級方程式,當然我亦都唔例外啦。而過去咁多年嘅發展,依家賽車已經比起以前安全咗好多,好多層面都已經唔同晒。除咗有架好嘅戰車之外,其實賽車都好講求數據分析。不論係架車嘅性能,賽車手嘅身體狀況,賽道嘅變化,其實背後都收集緊好多數據再做實時分析去作出唔同嘅決定。當然賽後亦會用嚟作檢討同優化嘅用途。

「夜晚」

由細到大都好鍾意賽車,而最希望嘅係有機會親身去睇。如果你問我最有興趣去邊個分站睇嘅話,我相信會係新加坡。點解?因為係咁多個分站最特別嘅一個。首先佢係唯一係夜晚進行嘅分站,所以再唔係傳統係日光日白嘅時間進行比賽。另外就係個賽道係平常嘅街道改變而成,除咗賽事進行嘅時候,條賽道真係俾私家車行。濱海灣市街賽道總長五點零七三公里包含大量直角彎。

「參與」

當然除咗一級方程式之外,我另外最鍾意嘅係越野賽車,因為唔同一級方程式咁,賽道係變幻莫測。乜嘢路面嘅情況都有,而且越野賽車要好靠身邊嗰個導航員提供前面嘅資料。所以就算你嘅賽車技術有幾好,如果無一個好嘅拍檔,真係好難攞到好嘅成績。香港係賽車運動相對比較落後,不過希望之後嘅電子方程式可以等多啲香港人認識賽車嚟個運動,因為就算你無份落場去揸都好,其實真係好刺激!


Also published on Medium.

Comments are closed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Also published on Medium. Click to share on Facebook [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Also published on Medium. Click to share on Facebook [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Also published on Medium. Click to share on Facebook [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]