真港姐

「選美」

老實講依家選港姐真係同以前唔同,雖然話依家係由香港市民透過手機程式投票,但係你真係可以肯定當中無種票嘅成份?老實講唔真係唔信係百分百由香港市民話事。而作為一個香港小姐冠軍唔同就唔可以有自己嘅政治立場?當然一夜之間由一個普通嘅香港市民變成公眾人物,講嘢係要好小心,俾人翻舊賬就在所難免。不過以後就要自我審查,畢竟佢依家已經係大台嘅人!

「起底」

今年嘅香港小姐同香港先生真係無乜聲氣,就連佢哋選完都唔知。而今日嘅話題當然係港姐冠軍馮盈盈!好多人係網上面話佢都唔係好靚啫,點解佢會係冠軍㗎?但係今日俾人起底之後,話佢講粗口鬧政府,跟住所有人即刻改變晒口風話佢夠真。香港人真係變得快,但係當佢話自己當年少不更事以過激語言表達意見同因為受到大學狂熱氣氛影響之後,大家又會有啲乜嘢反應呢?

「正常」

一個正常人如果見到香港依家咁嘅情況,點會唔爆粗?不過相信以後佢好難再咁樣表達自己,因為就算唔顧及自己嘅形象都要顧及香港小姐嘅形象啦。如果你問我,邊個香港人無講過粗口架,真係視乎你點定義粗口嚟兩個字嘅啫。至於政治取態,唔通做港姐就唔可以有自己嘅立場,就算上年九優狀元麥明詩都有撐雨傘運動啦。一個正常嘅香港人都應該會對香港政府係過去嗰幾年所做嘅而感到憤怒。


Also published on Medium.

Comments are closed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Also published on Medium. Click to share on Facebook [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Also published on Medium. Click to share on Facebook [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Also published on Medium. Click to share on Facebook [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]