睇彩數


個人分享
Tagged With: , , , , , , , , ,

「生活」

香港嘅生活指數真係非常之高!當中住屋應該係最貴,而依家嘅香港人,要買層樓真係好貴難。好多人會話有你無你上咗車先算,而亦有啲人因為一層樓做足一世,變成一個樓奴。老實講係香港作為一個中產真係最慘,因為你又未窮到要住公屋,但係又未必夠首期去買私樓,咁居屋呢?唔好意思你嘅資產或者收入又過咗申請上限,所以你話最慘嘅係唔係中產?

「彩數」

依家買樓真係好睇彩數,唔係話你想買就買。當然近排好多發展商都有好多唔同嘅貸款方案,希望啲人可以上樓。不過就算你有首期,銀行同發展商都肯借錢比你,但係都要過五關斬六將!首先你要入票話有意向想買樓,跟住唔知有幾多人同你一齊抽獎,睇下你有無機會去揀樓。只不過揀樓又要再抽多次獎先後,而到最後你想買個層樓已經俾人買咗!

「抽獎」

老實講依家買新樓真係同中六合彩無分別,因為真係好睇你嘅彩數同運氣。有時就算好彩比你抽中最早嘅時段去再抽揀樓次序,但係結果你揀樓嘅次序排到好後。而當輪到你嘅時候,好多價錢合適嘅單位其實好多時已經俾人買咗。一係你就好有錢,一係你就不論好醜,只要輪到你乜都冇所謂,點都會買。所以你話買樓係唔係已經唔係有冇錢嘅問題,而係有冇運嘅問題!

(Visited 79 times, 2 visits today)

Also published on Medium.