朱凱迪


個人分享
Tagged With: , , , , , , , ,

「認識」

相信好多人都係因為最近嘅立法會選舉先至會關注或者認識朱凱迪議員。其實只要你一翻查佢嘅背景,其實佢一直都好積極參與社會運動。大家都記得十年前清拆天星碼頭同皇后碼頭嗎?當時佢就已經有參與反對政府嘅計劃,而近年包括受到高鐵影響嘅菜園村同天水圍嘅泥頭山佢都有參與同跟進。今年佢亦以獨立身份參選立法會選舉,更加成為今屆嘅票王當選!

「恐怖」

依家嘅香港真係好恐怖!一個香港人參加立法會選舉,一個香港人挑戰官商鄉黑,一個香港人以八萬幾票當選成為立法會議員,竟然收到威嚇,有家歸不得?乜香港變得咁恐怖,貴為一個民選嘅立法會議員,竟然係選舉前已經先後兩度受到威嚇,而當選之後情況嚴無改善,反而惡化咗!就正如佢形容自己面對迫在眉睫嘅「死亡威脅」。真係痴線!

「陌生」

無論大家同唔同意佢嘅做法或者諗法,香港係一個言論自由嘅社會,每個人都可以發表佢哋嘅意見同諗法。香港亦都係一個法治嘅社會,但係過去幾年真係好似不斷倒退。究竟香港將來會變成點?五十年不變?真係講都無人信,因為回歸都未到二十年香港已經變成咁。諗起自己嘅下一代真係唔敢想像,因為香港再唔係我哋長大嘅香港,一個非常陌生嘅地方!


Also published on Medium.

Comments are closed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Also published on Medium. Click to share on Facebook [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Also published on Medium. Click to share on Facebook [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Also published on Medium. Click to share on Facebook [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]