做顧問


個人分享
Tagged With: , , , , , , , , ,

「職業」

做顧問其實都可以係一個幾乞人憎嘅職業,因為要保持中立,有個句講果句,雖然有時要好圓滑,但係亦都需要直接道出問題所在。當然有啲人會覺得顧問淨係齋講,指手畫腳,但係其實因為身份嘅問題。顧問嘅角色係唔會牽涉內政同外政,當然到最後決策權亦都唔係顧問嗰度。我其實好鍾意做顧問嘅角色,因為可以係唔同嘅項目入面學到唔同嘅知識,同認識好多唔同嘅人!

「數據」

係香港做數據分析顧問服務真係有啲難,點解?因為好多企業都仲未明白點樣運用數據。無錯,比起五年前大家都開始慢慢重視數據,但係直至嚟一刻好多企業仲係停留係表面嘅階段。要真正帶俾企業真正嘅價值仲有好遠嘅路,當然利用數據去營運係需要有公司架構做起。而投資嘅時間同金錢唔係一時三刻可以睇到,因為要轉型係需要時間,而且無可能一步到位!

「轉型」

最近都遇到唔少嘅企業想轉型,而數據都係佢哋認為重要嘅項目,但係好多時亦都要花好多時間去令管理層明白要投資先至有回報。當然無人可以寫包單一定會成功,所以亦要明確說明有機會遇到嘅問題,等大家嘅目標同期望唔會有一個落差。數據唔係萬能,但係某啲行業如果再唔轉型,再過多五至十年真係會被淘汰。而一般嘅轉型都起碼要三年或以上嘅時間先至有成效。


Also published on Medium.

Comments are closed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Also published on Medium. Click to share on Facebook [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Also published on Medium. Click to share on Facebook [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Also published on Medium. Click to share on Facebook [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]