雷動論

「研究」

唔知點解好多人都叫我去研究「雷動計劃」,不過係發表我嘅睇法之前我想作出一個聲明。首先我無好深入去了解整計劃嘅計算方法,而我係之前嘅區議會選舉嘅時候已經提過建制派係好識得用數據去配票而達至最佳嘅效益。當然今次有啲議席同候選人係有機會俾「雷動計劃」而影響選情。所以我嘅分析「雷動計劃」係在於個人嘅觀點與角度。畢竟嚟個係非建制派嘗試配票嘅一個嘗試,係值得鼓勵!

「問題」

首先我想講嘅係「雷動計劃」嘅數據基礎,因為佢係一個民調,所以數據嘅準確性係會因為人數而改變。截至九月四號晚,其實只有四萬二千幾個用戶參加咗個計劃。就算係用統計學去分析數據都會有一啲落差,而且數據唔係選民投票之後作計算,因此有機會導致某些票源轉向至其他候選人。變相有啲機會極大當選嘅候選人最終要爭取尾席。所以係收集,分析同發布數據都唔係做得太好。

「配票」

其實個計劃有好多外在因素無考慮在內,而再睇建制派係計算配票嘅時候係有一定嘅順序。而佢哋會因應當區嘅選民同估計投票比率去推算所需嘅票數,當然佢哋係票站外面嘅統計亦都給予佢哋分析情況,之後再動員佢哋嘅長者票去確保地區直選嘅議席。係計劃入面有一個關鍵就係幾多係泛民,本土或者建制嘅人士參與。到最後票唔需要多,夠就足夠。不過每個選區都唔同所以唔可以用同一條方程式去計算。都係嗰句,數據唔可以計得太盡,今次「雷動計劃」係一個例子,但係唔代表佢失敗,因為講到尾都係第一次運作!再者非建制派一直都唔係好團結,所以要計劃成功都要大家合作先得!


Also published on Medium.

Comments are closed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Also published on Medium. Click to share on Facebook [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Also published on Medium. Click to share on Facebook [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Also published on Medium. Click to share on Facebook [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]