開學啦


個人分享
Tagged With: , , , , , , , , ,

「開學」

每年都會係九月一日開學日見到好多人講今日自己仔女返學嘅情況,尤其係啲小朋友啱啱入學。當然時間真係好快,過多一兩年我都相信我會做同一樣嘢。梗係啦,個仔第一次返學喎,當然要記錄在案啦!唔知到時佢係會係喊到傻咗嗰啲,定係興奮嗰啲呢?如果係依家嘅郭大少,我相信會係前者。雖然依家佢去到陌生環境都唔係好怕,只不過如果見唔到我哋而又無相熟嘅人嘅話,佢通常都會喊。

「教育」

仲記得上年嘅今日都係寫有關開學嘅嘢,不過上年郭大少先啱啱出世一個多月所以感覺又有啲唔同。老實講我同老婆都對嚟個變態嘅教育制度非常之不滿。但係我同佢嘅共識就係希望郭大少有一個好嘅成長環境,而當然嚟個世界無兩全其美,所以我只有一個要求就係最緊要佢開心就得,唔好變成一隻填鴨。我相信大部份嘅家長都想自己嘅仔女有一個好嘅將來!

「讀書」

小朋友返學其實係大家人生第二次重新再讀多次書。點解,因為你要識先至可以教自己個小朋友。不過坦白講依家啲課程真係好深,有時見到啲問題真係唔識答。所以大部分人以為讀完大學就可以脫離返學嘅階段,其實只要你有小朋友,你係會再一次由幼稚園開始讀過。所以人生應該有多個一半嘅時間都係讀緊書,事關你係有機會生多個一個小朋友㗎嘛!

(Visited 22 times, 1 visits today)