打疫苗


個人分享
Tagged With: , , , , , , , , ,

「疫苗」
其實小朋友一出世就會開始接種唔同嘅疫苗,而疫苗其實係預防一啲嚴重嘅疾病。疫苗本身就係病毒,而希望透過身體接種疫苗要有免疫能力。當然接種疫苗亦都唔一定百分百可以預防疾病,而如果有研究話某啲疫苗會導致某啲問題,我相信你都會花少少時間去了解嚟啲問題。不過講到尾小朋友接種疫苗係必須嘅,因為有一啲疾病真係會致命。
「自閉」
今日同郭大少去打疫苗,但係琴晚老婆突然同我講話一歲有一支疫苗係有機會令小朋友患上自閉症。而嚟支其實係麻疹,腮腺炎同德國麻疹混合疫苗。當然佢一講完就即刻上網睇相關嘅資料,果然有好多人都係唔同嘅平台討論嚟個問題。不過睇咗成晚,我都得唔到一個答案,所以寧可信其有,因為打咗就無得返轉頭,最終同老婆講不如再睇定啲先再打。
「研究」
其實首次有學術研究自閉症可能同麻腮風三聯疫苗有關係一九九八年,但係嚟個研究有人批評可信性。而係二零一零年英國《刺針》醫學週刊正式廢除嚟種疫苗對於自閉症嘅有關報導。話雖如此,無論係有無關係都好,疫苗始終係病毒,為咗審慎起見,我同老婆都覺得唔使一次過一日打晒三種疫苗。最起碼係可以等我在消化下相關嘅資料再作定論。


Also published on Medium.

Comments are closed.

 
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]
  • 放閃日其實放閃係一個網絡嘅用語,主要係用嚟形容啲人係網上面炫耀自己。當中用得最多嘅係情侶之間互相公開自己嘅幸福同快樂,尤其係一啲單身人士搵到伴侶之後不斷發放相片炫耀自己嘅幸福。好多人會用閃光彈嚟形容,而回覆嘅通常係帶上黑超嘅表情符號,因為閃光彈好刺眼,所以要帶返副黑超擋一下啲耀眼嘅光芒!所以每逢情人節好多人都會通過唔同嘅渠道放閃! Also published on Medium. Click to share on Facebook [...]
  • 數據先好多公司都會有唔同嘅數據,但係到最後仍然解答唔到一啲商業上嘅問題。原因其實唔係出於數據,而係無人去設計點樣收集數據。就算有數據都唔知啲數係啲乜嘢情況下收集返嚟。最終導致啲數據無法解釋日常業務嘅問題!可多公司都低估咗收集同分析數據所需要嘅人力以及資源,通常都係到咗分析嗰一刻先至發現問題。所以點樣收集數據係緊要過點樣分析數據! Also published on Medium. Click to share on Facebook [...]
  • 被截停當然警察如果遇到或者發現可疑嘅車輛係有權利去截停佢,但係只不過如果因為要截停可疑嘅車輛所導致嘅傷亡係唔係有必要呢?其實係好幾年前香港警察曾經截停路面嘅私家車做路障,希望截停可疑車輛而導致安份守己嘅市民有性命財產嘅損失。而近日亦有類似「人肉路障」嘅事件發生,今次就導致兩死五人受傷。老實講點解要市民用自己嘅性命同財產去幫你截停可疑車輛先? Also published on Medium. Click to share on Facebook [...]