去唱歌


個人分享
Tagged With: , , , , , , , , ,

「卡拉」

唔知有幾多人記得係屋企唱歌嘅年代?我記得好細個嘅時候屋企有部鐳射碟機,隻碟都真係幾大隻。「卡拉OK」最盛行嘅時候真係一街都係「卡拉OK」仲要大排長龍。老實講依家你問我去邊樹「唱K」我真係唔知,因為真係好耐無去過亦都唔知依家去邊間。不過最近出現咗一支「卡拉OK」咪,唔知大家有無留意到,就連天后都有一支。真係好懷念一大班人去「唱K」嘅日子。

「唱歌」

老實講依家仲有無人去「卡拉OK」嘅呢?我記得最瘋狂嘅時候係可以星期五,六,日到會同朋友去。諗返起都覺得有啲變態,但係或者以前真係放假無嘢做。不過真係超過十年無去過「卡拉OK」,對上嗰次真係完全無印象。依家啲「卡拉OK」真係買少見少,相信嚟個行業會慢慢被淘汰。從此之後再唔會有所謂嘅「K歌」出現。究竟依家啲人係邊度唱歌嘅呢?卡拉真係永遠「OK」?

「變態」

其實有時去「唱K」唔係為咗唱歌,好多時都係為咗去玩,去見朋友,去劈酒。而又無人真係唱歌,老實講真係無人理。最變態嘅係我哋可以夜晚十點玩到朝頭早,甚至飲埋早茶,跟住返屋企瞓覺,之後夜晚又再去過。自己依家諗返都覺得變態,或者嚟啲就係後生嘅時候先至會做嘅嘢!當然每個人去得「唱K」總會有自己嘅飲歌,你嘅飲歌又係邊幾隻呢?


Also published on Medium.

Comments are closed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Also published on Medium. Click to share on Facebook [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Also published on Medium. Click to share on Facebook [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Also published on Medium. Click to share on Facebook [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]