真黑暗

「選舉」

老實講今次嘅立法會選舉,除咗功能組別我好清楚知道點樣投票之外,其實因為啱啱由港島東搬咗去新界西之後,基本上都唔知應該點樣投。不過我好肯定嘅係點都唔會投俾所謂嘅獨立侯選人,因為話獨立其實就最唔獨立。所以到最後點都唔會揀佢哋,而當然所有建制派嘅都唔會係我嘅選擇。有時真係有諗過投俾我哋嘅下一代,最起碼佢哋有團火,試圖改變現狀!

「黑暗」

香港依家嘅選舉真係好黑暗,其實以前都已經知道選舉係咁,但係依家真係越嚟越明目張膽。表面好民主,但係不斷用唔同嘅手法去左右選情。蛇齋餅糉其實都已經唔係啲乜嘢,搵啲阿公阿婆登記做選民去投票都已經落後。騙徒嘅手法真係層出不窮,所以真係唔好單純地相信傳媒嘅報導。如果大家真係有心令香港回復光明,真係要睇清睇楚同一定要出嚟投票。

「數據」

其實之前嘅區議會選舉已經反映咗好多問題出嚟,所以如果今次再一次出現爆冷嘅情況,老實講我相信嚟個機會係會比較低。只要大家分析下啲數據其實都已經心裡有數。不過始終數據只係參考,仲有好多變數。究竟啲參選人互相抹黑,互相狙擊都唔夠,而家甚至乎連參選人嘅身邊人都會被牽連,嚟啲係乜嘢嘅玩法?聲東擊西定係調虎離山?大家真係唔好俾人混淆視聽呀!


Also published on Medium.

Comments are closed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Also published on Medium. Click to share on Facebook [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Also published on Medium. Click to share on Facebook [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Also published on Medium. Click to share on Facebook [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]