做功課


個人分享
Tagged With: , , , , , , , , ,

「研究」

好多研究都講過,其實做功課係唔會影響一個小朋友嘅學業成績。咁點解香港嘅小朋友有咁多功課?其實小朋友因為功課而無咗好多玩樂嘅時間。而再加上排山倒海嘅補習班同興趣班,怪唔之得香港好多小朋友都會有抑鬱。與此同時好多香港嘅小朋友嘅體能都唔好,點解?未就係因為日又做,夜又做,係做功課嗰做!老實講書本以外都可以學到好多嘢嘅!

「教育」

東方嘅教育同西方嘅教育有乜嘢分別?好明顯就係填鴨同唔填鴨嘅分別囉!多功課做就代表學到多啲嘢?其實功課嘅意義係啲乜?要知道小朋友有無吸收知識係有好多種方法。而功課嘅目的係希望透過練習讓小朋友將之前學咗同吸收咗嘅知識再次應用同實踐出嚟。只不過做得多就代表吸收得多?如果只係搬字過紙嘅話,其實已經牴觸教育嘅意義。

「思考」

講真讀書讀得叻嘅人,除非真係專業人士,譬如話醫生同律師,好多出咗社會做嘢之後,其實佢哋嘅成就都係一般般。原因簡單不過,就係唔識變通。香港嘅教育制度係問題核心嘅所在,如果只係不斷死背書,其實真係好死板,甚至乎可以講讀咗等於無讀。點解西方嘅小朋友解決問題嘅能力高啲?因為佢哋唔單止知道問題與答案咁簡單,而係思考點解個答案係答案,或者係唔係得一個答案。


Also published on Medium.

Comments are closed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Also published on Medium. Click to share on Facebook [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Also published on Medium. Click to share on Facebook [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Also published on Medium. Click to share on Facebook [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]