有潛質

「數據」

如果你問我點解過去嗰十年都無轉過行,點解我開口埋口都淨係講數據,點解到呢刻都仲未放棄係香港推動數據分析嚟個產業?因為我仍然相信香港係嚟方面有優勢,而且可以發展成為一個相當重要嘅產業。當然想做嘅太多,而時間太少,我只係盡自己有限嘅能力去推廣數據分析嚟個行業。雖然香港個市場好細,但係數據分析係無地域限制所以唔應該局限香港嘅市場。

「潛質」

其實我好多年前講過,我相信香港係有潛質作為一個數據分析嘅樞紐。數據分析嚟個行業係易學難精,因為所涉及嘅範疇特別廣,特別闊。雖然數據分析會牽涉到資訊科技層面,但係香港有好多數據分析師,只不過佢哋係金融業。未來半個世紀嘅發展,其實都會環繞數據,而如果無人去翻譯數據嘅話,俾你有再多嘅數據都無用。依家香港呢個產業仲係起步階段,所以應該係由教育做起!

「發展」

其實講咗咁多年,好多人都覺得數據係好有用,但係又唔知點樣開始。其實本地已經有幾間公司已經做得好好,如果可以分享多啲,交流多啲,唔好淨係講啲表面嘢,其實我相信好多公司都會投資落去聘請人才。但係可悲嘅係,香港大部份嘅公司仲未開始轉型,好多時都係好短視,所以數據對佢哋嚟講唔係一樣必需品而係奢侈品。咁你話嚟個產業點可能發展呢?


Also published on Medium.

Comments are closed.