下一屆


個人分享
Tagged With: , , , , , , , , ,

「奧運」

一連兩個星期嘅奧運話咁快就完結啦,雖然今年香港嘅代表隊無任何獎牌,但係佢哋已經盡晒全力同創造咗好多香港嘅第一次,而我哋都相信佢哋會繼續努力為四年後嘅奧運會作準備。奧運精神唔係在乎輸贏或者獎牌咁膚淺,而係國際奧委會係《奧林匹克憲章》中「奧林匹克主義的原則」條款中所提及嘅:「每一個人都應享有從事體育運動的可能性,而不受任何形式的歧視,並體現相互理解、友誼、團結和公平競爭的奧林匹克精神」。

「東京」

雖然今朝無起身睇巴西奧運嘅閉幕禮,但係一起身就見到大家都係度討論緊下一屆主辦城市東京嘅宣傳同精彩表現。所有人都好似已經忘記咗今屆嘅奧運會,因為所有目光同焦點都投放咗係下一屆嘅主辦國同城市。當然最驚喜嘅係加入咗動漫嘅元素,當中包括足球小將,叮噹同日本首相化身成瑪利奧再用叮噹法寶由日本去到巴西!搞到個個都好期待四年後嘅奧運會!

「玻璃」

不過係閉幕禮又發生玻璃心事件,老實講係咁短嘅回顧片段無中國運動員其實有乜嘢問題?香港夠無啦,仲有好多國家都無啦,唔通咁就代表唔尊重人哋?真係有啲搞笑,佢哋真係以為依家嚟個世界係佢哋咁樣,無咗佢哋好似個世界唔會轉咁。老實講其他國家夠話你哋唔尊重佢哋啦,真係以為自己大晒,去到人哋嘅國家以為自己返咗屋企,一啲禮貌都無仲喺度聲大夾惡!


Also published on Medium.

Comments are closed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Also published on Medium. Click to share on Facebook [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Also published on Medium. Click to share on Facebook [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Also published on Medium. Click to share on Facebook [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]