放完假


個人分享
Tagged With: , , , , , , , , ,

「假期」

今次嘅假期我諗最興奮嘅係郭大少,因為佢一見到間酒店房個泳池就已經想衝落去游水。今次間酒店房其實都幾大,所以佢基本上可以好開心咁周圍爬,而最近佢好想自己行,所以佢要我哋拖住佢圍住間房不斷行。唔知係唔係心理作用,我同老婆都覺得每次佢去完旅行都好似長大咗。好啦放完假又要回歸現實,因為之後有排忙,真係放完假好似無放假咁。

「完結」

話咁快就去完五日四夜嘅蘇梅陽光與海灘之旅,真係好好彩,因為去之前一直睇天氣預測都係話會狂風雷暴,仲要落足五日!心諗有無咁黑仔呀,之前去沖繩已經落足五日雨搞到我哋基本上無游過水。今次蘇梅之旅真係玩好開心,因為每朝起身去食早餐,之後返房游水同食晏。食完又可以再游水曬太陽。不過開心嘅時間真係過得好快,希望可以好快再去渡假啦!

「專心」

今次旅行終於可以影到好多相,因為真係天氣太好,雖然大部份嘅時間都係酒店,但係好開心同老婆終於去到蘇梅渡假。放假嘅日子真係好少上網,基本上唔知香港發生緊啲乜嘢事。不過其實有時無得上網都唔係一件懷事,因為可以安安靜靜咁同老婆同郭大少去玩。但係一返到香港就要處理一大堆累積落嚟嘅工作。不過唔緊要啦,因為去旅行真係好開心嘅!


Also published on Medium.

Comments are closed.

 
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]
  • 放閃日其實放閃係一個網絡嘅用語,主要係用嚟形容啲人係網上面炫耀自己。當中用得最多嘅係情侶之間互相公開自己嘅幸福同快樂,尤其係一啲單身人士搵到伴侶之後不斷發放相片炫耀自己嘅幸福。好多人會用閃光彈嚟形容,而回覆嘅通常係帶上黑超嘅表情符號,因為閃光彈好刺眼,所以要帶返副黑超擋一下啲耀眼嘅光芒!所以每逢情人節好多人都會通過唔同嘅渠道放閃! Also published on Medium. Click to share on Facebook [...]
  • 數據先好多公司都會有唔同嘅數據,但係到最後仍然解答唔到一啲商業上嘅問題。原因其實唔係出於數據,而係無人去設計點樣收集數據。就算有數據都唔知啲數係啲乜嘢情況下收集返嚟。最終導致啲數據無法解釋日常業務嘅問題!可多公司都低估咗收集同分析數據所需要嘅人力以及資源,通常都係到咗分析嗰一刻先至發現問題。所以點樣收集數據係緊要過點樣分析數據! Also published on Medium. Click to share on Facebook [...]
  • 被截停當然警察如果遇到或者發現可疑嘅車輛係有權利去截停佢,但係只不過如果因為要截停可疑嘅車輛所導致嘅傷亡係唔係有必要呢?其實係好幾年前香港警察曾經截停路面嘅私家車做路障,希望截停可疑車輛而導致安份守己嘅市民有性命財產嘅損失。而近日亦有類似「人肉路障」嘅事件發生,今次就導致兩死五人受傷。老實講點解要市民用自己嘅性命同財產去幫你截停可疑車輛先? Also published on Medium. Click to share on Facebook [...]