去蘇梅


個人分享
Tagged With: , , , , , , , , ,

「景點」

去蘇梅之前其實做咗好多資料搜集,但係搵嚟搵去真係無乜有關蘇梅嘅資料。或者因為真係一個度假嘅地方,所以大部份嘅人唔係去海灘就係留係酒店。當然另一個重要嘅議題係要帶埋郭大少一齊去蘇梅,而當地真係好少嘢啱小朋友玩。到最後都係諗住去到蘇梅再問下當地嘅酒店,睇下有乜嘢提議。當然難得一場嚟到蘇梅,就梗係希望去睇下當地嘅風土人情啦!

「生日」

今日係老婆嘅生日,而今年係第二年同郭大少一齊慶祝。上年嘅今日郭大少都未夠一個月大,而眨下眼就已經一歲。當然要帶住個小朋友去旅行真係唔容易,但係其實我同老婆都一直想去蘇梅,而且郭大少鍾意游水,所以今年嘅生日就同老婆移師去蘇梅慶祝。當然最希望嘅係可以等老婆輕鬆下,因為過去一年真係辛苦咗佢。希望今次佢可以輕輕鬆鬆咁過一個生日啦!

「對比」

兩年前嘅今日係我同老婆去馬爾代夫渡蜜月同慶祝老婆兼三週年嘅旅行。而今次再去陽光與海灘已經再唔係二人行,老實講有時都幾懷念未有郭大少嘅日子。如果你問我鍾意馬爾代夫定係蘇梅,我嚟一刻我會覺得係蘇梅。當然事實係好難做對比,只不過有可能因為馬爾代夫實在太過唔現實,因為四野無物,同蘇梅比嘅話最起碼我會見到個海有其他嘢,所以如果純粹陽光海灘嘅話,我諗我會揀蘇梅。


Also published on Medium.

Comments are closed.

 
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]
  • 放閃日其實放閃係一個網絡嘅用語,主要係用嚟形容啲人係網上面炫耀自己。當中用得最多嘅係情侶之間互相公開自己嘅幸福同快樂,尤其係一啲單身人士搵到伴侶之後不斷發放相片炫耀自己嘅幸福。好多人會用閃光彈嚟形容,而回覆嘅通常係帶上黑超嘅表情符號,因為閃光彈好刺眼,所以要帶返副黑超擋一下啲耀眼嘅光芒!所以每逢情人節好多人都會通過唔同嘅渠道放閃! Also published on Medium. Click to share on Facebook [...]
  • 數據先好多公司都會有唔同嘅數據,但係到最後仍然解答唔到一啲商業上嘅問題。原因其實唔係出於數據,而係無人去設計點樣收集數據。就算有數據都唔知啲數係啲乜嘢情況下收集返嚟。最終導致啲數據無法解釋日常業務嘅問題!可多公司都低估咗收集同分析數據所需要嘅人力以及資源,通常都係到咗分析嗰一刻先至發現問題。所以點樣收集數據係緊要過點樣分析數據! Also published on Medium. Click to share on Facebook [...]
  • 被截停當然警察如果遇到或者發現可疑嘅車輛係有權利去截停佢,但係只不過如果因為要截停可疑嘅車輛所導致嘅傷亡係唔係有必要呢?其實係好幾年前香港警察曾經截停路面嘅私家車做路障,希望截停可疑車輛而導致安份守己嘅市民有性命財產嘅損失。而近日亦有類似「人肉路障」嘅事件發生,今次就導致兩死五人受傷。老實講點解要市民用自己嘅性命同財產去幫你截停可疑車輛先? Also published on Medium. Click to share on Facebook [...]