玩神秘


個人分享
Tagged With: , , , , , , , , ,

「生日」

今年老婆生日一直諗攪啲乜嘢好,因為年年都好似淨係同佢去食一啲好嘢,買紮花同買禮物比佢。其實自從郭大少出世之後,我哋好多時間都投放咗係佢身上。反而兩個人相處嘅時間越嚟越少,而且老婆真係實在好緊張郭大少嘅所有嘢,所以希望同佢去過渡假嘅地方,放鬆一下!因為過去一年佢真係好辛苦,尤其係因為郭大少嘅健康,堅持餵哺母乳超過一年。

「蘇梅」

其實準備咗嚟個旅程一段時間,一直都無同老婆講係因為想俾個驚喜佢。只不過去之前嘅一兩個星期要同佢講我哋去旅行,事關要準備郭大少嘅裝備,所以到最後都唔係啲乜嘢驚喜。如果只係得我哋兩個人嘅話,我相信我只會係前個晚同佢講我哋聽日去旅行。不過我老婆實在太醒目,前幾日都已經知道我哋會去邊個國家,直至有日佢又問我哋去邊先至話去蘇梅。希望佢可以輕鬆下啦!

「慶祝」

與此同時,其實今次嘅旅行仲有另一個意思就係我同老婆拍拖五週年。所以專登搵咗個我同佢都好想去嘅地方,而講咗好耐我哋終於去得成蘇梅。不過只係要帶埋郭大少一齊去旅行。不過好彩之前有同佢去過沖繩,而因為上次去五日落足五日雨,搞到我哋無得享受陽光與海灘。不過出發之前睇天氣報告又係話會陸續五日雨,希望今個假期可以有多少少陽光啦!


Also published on Medium.

Comments are closed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Also published on Medium. Click to share on Facebook [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Also published on Medium. Click to share on Facebook [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Also published on Medium. Click to share on Facebook [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]